Главная » 2016 » Sentyabr » 20 » Shahzoda Muhammedova ustoz bo‘lmay turib shogirdlaridan hasrat qildi

---

12:49 Shahzoda Muhammedova ustoz bo‘lmay turib shogirdlaridan hasrat qildi

Ijtimoiy tarmoqlardagi shaxsiy sahifasi orqali doim atrofidagi odamlar, do‘stlari va yaqinlaridan hasrat qilishni, muammolarini ochiq-oydin odamlar muhokamasiga tashlashni kanda qilmaydigan aktrisa Shahzoda Muhammedova bu gal shogirdlarini nishonga oldi. U qanchalik ustoz darajasiga yetgan bilmadigu ammo yozganlari muxlislar tomonidan ko‘plab muhokamalarga sabab bo‘lmoqda.   "Shogirdlarga mehr bermang, bilim bermang, siringiz aytib, non berib, tuz bermang... Ular biribir bir kun sizni bilmaydi, sotib, hiyonat qilib ketadi. Shu kungacha yuzdan ortiq shogird chiqardim. O‘ylaymanki, kasb-hunar sirlari insonning o‘zi bilan qolgani ma'qul. Faqat farzandga o‘rgatilishi kerak. Shogird olmayman boshqa. Shogird ichki sirlarni tashqariga olib chiqadi”, deb yozadi Muhammedova.   U aktrisalik borasida hali professionallar qatoridan o‘rin olmagan bo‘lsada, tijorat, xususan, dizaynerlikda ancha yillik tajribaga ega. Bu borada Shahzodaning iqtidori borligini alohida e'tirof etib o‘tish o‘rinli. U ayollar liboslarini tikishda eng qo‘li gul dizaynerlardan sanaladi. Biroq Shahzoda Muhammedova qachonlardir o‘zi ham bu sohani kimdandir o‘rgangani, shogird tushgani va uni boshqalarga ham o‘rgatish gardanidagi burchi, ustozlari oldidagi qarzi ekanini unutmasa yaxshi bo‘lardi. Xalqda "Qars ikki qo‘ldan chiqadi”, degan naql bor. Muhammedova ana shu naqlga rioya qilsa, iddaolarga o‘rin qolmaydi.

1 2 3 4 5 Категория: Har-Hil | Просмотров:3062 | Добавил: Admin | Теги: Shahzoda Muhammedova ustoz bo‘lmay | Рейтинг: 0.0/0

Всего комментариев: 0