Главная » 2016 » Avgust » 11 » Sevinch Mo‘minova qizini otasiga ko‘rsatmayotgani sabablarini oshkor qildi

---

17:33 Sevinch Mo‘minova qizini otasiga ko‘rsatmayotgani sabablarini oshkor qildi

Xonanda Sevinch Mo‘minova turmush o‘rtog‘i Sharof Muqimovga bag‘ritosh ota deb baho berar ekan, "Qizimni ko‘rsatmay qo‘yganimning esa juda KATTA sabablari bor”, deb qo‘shimcha qildi. Avvalroq, xonandalar Sharof Muqimov va Sevinch Mo‘minovaning oilasiga darz ketgani, ular birga yashamayotgani, biroq qonunan ajrashmaganlari haqida xabar bergan edik. Xonanda Sevinch Mo‘minova "Qalampir.uz” muxbiri bilan suhbatda onasini haqorat qilgani uchun turmush o‘rtog‘i Sharof Muqimovdan qattiq ranjiganini, shunda ham oilani saqlab qolishga harakat qilayotganini aytgan edi. Mazkur intervyu "Nozim-Studio.com” saytiga va ijtimoiy tarmoqlardagi sahifamizga joylashtirilganidan so‘ng, Sharof va Sevinchning muxlislaridan ko‘plab izohlar oldik. Kimdir oilaviy masalaga hech kimning aralashishga haqqi yo‘qligini aytsa, yana kimdir Sharof yo Sevinchning tarafini olib chiqyapti. Ko‘pchilik xonanda Sevinch Mo‘minovani farzandini Sharofga ko‘rsatmayotganida ayblab, izoh yozib qoldirmoqda. O‘z navbatida Sevinch ham bu murojaatlarga javob yo‘lladi.   "Ayol kishi nima uchun turmushga chiqadi? Buning sabablari juda ko‘p, bu sabablardan bittasini aytaman: Meni himoya qiladigan, nomusimni avaylab-asraydigan insonim bo‘lsin deb.   Bu bizning shaxsiy ishimiz. Bu insonning men bilan qanday gaplashishini, oramizdagi muammolarni ochiq gapirish niyatim yo‘q. Qizimni ko‘rsatmay qo‘yganimning esa juda KATTA sabablari bor. Men uchun qizimning sog‘ligi birinchi o‘rinda turadi. Ichikishdan qizim kasal bo‘lib qolishini xohlamayman. Bizga 3-4 oyda, 1 yilda bir qizini 5 daqiqaga ko‘rib ketadigan bag‘ritosh ota kerak emas. Uning bu qilig‘idan butun jabr qizimga bo‘lyapti.   Menga hech kim achinmasin va men achinadigan ahvolda ham emasman. Yaratganga shukr, men juda baxtliman, butun azoblar ortda qoldi. Menga emas, baxtini yo‘qotganlarga achininglar”, deb yozadi Sevinch Mo‘minova.   Hozircha oila boshlig‘i Sharof Muqimov Sevinchning iddaolariga nisbatan e'tiroz bildirganicha yo‘q. Biroq ijtimoiy tarmoq foydalanuvchilari Sevinchning onasini omma oldida haqorat qilgani uchun Sharof Muqimovni ayblab kelmoqda.   Ma'lumot uchun, Sharof Muqimov va Sevinch Mo‘minova 2010 yilning 4 avgustida turmush qurishgan.

1 2 3 4 5 Категория: Har-Hil | Просмотров:5323 | Добавил: Admin | Теги: Sevinch Mo‘minova qizini otasiga ko | Рейтинг: 0.0/0

Всего комментариев: 0