Главная » 2023 » Aprel » 24 » Saudiya Arabistoni Sudandagi fuqarolarini evakuatsiya qildi

---

20:56 Saudiya Arabistoni Sudandagi fuqarolarini evakuatsiya qildi

Ikki muqaddas masjid xodimining O‘zbekistondagi elchisi Yusuf bin Solih al-Gahra Sudandagi nizo yuzasidan bayonot berdi.  Ma’lum qilinishicha, Saudiya Arabistoni podshohligi Ikki muqaddas masjid xodimi va uning sodiq valiahdi ko‘rsatmalariga binoan qardosh Sudan Respublikasidan fuqarolarni evakuatsiya qilish ishlarini amalga oshirgan. Saudiya Arabistonining podshohlik harbiy-dengiz kuchlari Qurolli kuchlarning boshqa bo‘linmalari bilan amalga oshirgan evakuatsiya qilish ishlari Sudan Respublikasida nizo boshlangandan beri dengiz orqali amalga oshirilgan birinchi evakuatsiya hisoblanadi. Evakuatsiya ishlari fuqarolarni Xartumdan Port Sudan bandargohiga olib kelishni qamrab olgan. Qardosh va do‘st mamlakatlarning Sudan Respublikasidagi o‘z fuqarolarini evakuatsiya qilish borasidagi so‘rovlariga javoban podshohlik amalga oshirgan ishlar uning xalqaro hamjamiyatning ishonchli sherigi sifatidagi o‘rni ta’kidlanishi ham bo‘ldi. Podshohlik evakuatsiya qilgan chet elliklar 12 mamlakat (Kuvayt, Qatar, BAA, Misr, Tunis, Pokiston, Hindiston, Bolgariya, Bangladesh, Filippin, Kanada va Burkina Faso) fuqarolari bo‘lib, ularning orasida diplomatlar va xalqaro tashkilotlar xizmatchilari ham bor, jami qardosh va do‘st mamlakatlar fuqarolaridan 66 kishi evakuatsiya qilindi (yaqin kunlarda mazkur raqamlar oshishi kutilmoqda). Sudan Respublikasidagi birodarlarning u yerda qolib ketganlarni evakuatsiya qilish ishlarini amalga oshirish uchun yaratib bergan yengilliklarini podshohlik qadrlashi ta’kidlangan. Podshohlik o‘z fuqarolariga yordam ko‘rsatishni so‘rab murojaat qilgan qardosh va do‘st mamlakatlarning fuqarolarini evakuatsiya qilish borasidagi ezgu ishlarni davom ettiradi.  Ayni paytda podshohlik qardosh va do‘st mamlakatlarning o‘z yurtlariga qaytish istagida bo‘lgan fuqarolarini evakuatsiya qilish maqsadida Sudan rasmiylari bilan xavfsiz yo‘laklarni ta’minlash xususida bevosita muloqotlar olib bormoqda. Kelish joylarida qardosh va do‘st mamlakatlar fuqarolariga kerakli kirish vizalari berilishi muvofiqlashtirilmoqda.

1 2 3 4 5 Категория: Har-Hil | Просмотров:132 | Добавил: moderator | Теги: yangilik | Рейтинг: 0.0/0

Всего комментариев: 0