Главная » 2023 » Iyun » 25 » Samarqandda “moykachi” mashinani olib qochib, avtohalokatga uchradi

---

23:30 Samarqandda “moykachi” mashinani olib qochib, avtohalokatga uchradi

Samarqand viloyatida avtomashinalar yuvish shoxobchasi ishchisi yuvish uchun qoldirib ketilgan mashinani olib qochib, avtohalokatga uchradi. Bu haqda viloyat IIB axborot xizmati xabar berdi. Unga ko‘ra, 24-iyun kuni fuqaro Hyundai Santafe rusumli mashinasini yuvdirish maqsadida avtomashinalar yuvish shoxobchasiga olib borib, mashina va kalitini o‘sha yerda ishlovchi A. ismli shaxsga tashlab ketgan. Oradan 30 daqiqalar o‘tgandan so‘ng, tanishlari unga mashinasi Samarqand shahar Sug‘diyona maskanida noma‘lum shaxs tomonidan boshqarilib, Epica va Lacetti rusumli avtomashinalar bilan yo‘l-transport hodisasiga uchraganini aytishgan. Xabarni eshitib fuqaro voqea joyiga borganida haqiqatan ham A. ismli ishchi unga tegishli bo‘lgan mashinani shoxobchadan o‘zboshimchalik bilan boshqarib chiqib, yo‘l-transport hodisasi sodir etgani ma‘lum bo‘lgan. Fuqaro holat yuzasidan Samarqand shahar bo‘yicha IIO FMB ga ariza bilan murojaat qilib, A.ga nisbatan qonuniy chora ko‘rishni so‘ragan. Hodisa sodir bo‘lgan joyga Samarqand shahri bo‘yicha IIO FMB tergov-tezkor guruhi chiqib, voqea joyi ko‘zdan kechirilib, avtomashinalar jarima maydonchasiga joylashtirilgan.  Mazkur holat yuzasidan tergov bo‘limi tomonidan Jinoyat kodeksining 229-moddasi bilan jinoyat ishi qo‘zg‘atilib, surishtiruv harakatlari olib borilmoqda.

1 2 3 4 5 Категория: Har-Hil | Просмотров:115 | Добавил: moderator | Теги: yangilik | Рейтинг: 0.0/0

Всего комментариев: 0