Главная » 2023 » Sentyabr » 2 » Sadir Japarov kelajakni oldindan ko‘rish qobiliyati borligini aytdi

---

21:25 Sadir Japarov kelajakni oldindan ko‘rish qobiliyati borligini aytdi

Qirg‘iziston prezidenti Sadir Japarov respublikaning 20-30 yillik kelajagini oldindan ko‘ra bilish qobiliyatiga ega ekanini aytdi. Bu haqda u "Kabar” axborot agentligiga bergan intervyusida gapirdi. "Maqtanish emas-u, lekin men 20-30 yildan keyin mamlakatda nimalar bo‘lishini, u qanday rivojlanishini oldindan ko‘ra olaman. Odatda prognozlarim to‘g‘ri chiqadi. Balki bu xislat menga yuqoridan berilgandir. Aniqrog‘i bu qobiliyat hammaga berilgan”, — dedi Qirg‘iziston rahbari. Uning so‘zlariga ko‘ra, "shunchaki, hozir nimalar bo‘layotganini kuzatib, kelajak haqida xulosa chiqarish mumkin”. "Maqsadlarimizga albatta erishamiz. Buning uchun har birimiz kecha-yu kunduz uzluksiz ishlashimiz kerak”, — qo‘shimcha qildi davlat rahbari. Avvalroq Qirg‘izistonda ko‘pkari finalidan so‘ng ommaviy tartibsizlik yuzaga kelgani, Sadir Japarov ham voqea joyida bo‘lgani haqida xabar berilgandi.

1 2 3 4 5 Категория: Har-Hil | Просмотров:215 | Добавил: Admin | Теги: yangilik | Рейтинг: 0.0/0

Всего комментариев: 0