Главная » 2023 » Sentyabr » 15 » Ruminiya bosh vaziri Yevropa Ittifoqi davlatlarini Rossiya gazidan butunlay voz kechishga chaqirdi

---

21:20 Ruminiya bosh vaziri Yevropa Ittifoqi davlatlarini Rossiya gazidan butunlay voz kechishga chaqirdi

Ruminiya bosh vaziri Marchel Cholaku Der Standart nashriga bergan intervyusida Yevropa Ittifoqining barcha davlatlari Ruminiyadan o‘rnak olib, Rossiya gazi va tovarlarini xarid qilishdan butunlay voz kechishga chaqirdi. Uning so‘zlariga ko‘ra, YI tegishli choralarni ko‘rishga "allaqachon tayyorlanmoqda”. Shu bilan birga, Yevropa Ittifoqining ayrim davlatlari hali ham Ukraina gaz transporti tizimi orqali Rossiya gazini olishdan voz kecha olmayapti. "Ha, butunlay taqiqlash kerak! Chunki biz yo‘qotadigan jihat, ya’ni komfort bilan Ukrainada sodir bo‘layotgan voqealar o‘rtasida juda katta farq bor”, — dedi Cholaku jurnalistning savoliga javoban. Unga ko‘ra, Avstriya kabi davlatlar Ukrainadagi jangovar harakatlar davom etishiga homiylik qilib, Rossiyaga "qonli pullar” to‘lamoqda. New York Times gazetasining yozishicha, joriy yilning mart oyida Rossiya gazining Avstriyaga yetkazib berish hajmi 74 foizni tashkil qilgan. 2023-yil may oyida Yevropa davlatlari birinchi marta quvur gazidan (13,7 milliard kub metr) ko‘proq suyultirilgan gaz (13,9 milliard kub metr) import qildi. Yevropa Ittifoqi davlatlari Rossiyadan gaz olishdan bosh tortmoqda yoki Rossiya gazi importini kamaytirishga harakat qilmoqda. Yevropa Ittifoqi mamlakatlari orasida Ruminiyadan tashqari Polsha, Bolgariya, Finlyandiya, Niderlandiya va Daniya Rossiya gazidan butunlay voz kechgan.

1 2 3 4 5 Категория: Har-Hil | Просмотров:147 | Добавил: Admin | Теги: yangilik | Рейтинг: 0.0/0

Всего комментариев: 0