Главная » 2020 » Fevral » 17 » Rossiyada yuz bergan avariya oqibatida O‘zbekiston fuqarosi halok bo‘ldi

---

16:32 Rossiyada yuz bergan avariya oqibatida O‘zbekiston fuqarosi halok bo‘ldi

Rossiyaning Chelyabinsk–Troitsk trassasida Chelyabinsk viloyati hududida sodir bo‘lgan yo‘l-transport hodisasida 2 kishi, jumladan, O‘zbekiston fuqarosi Z.S. vafot etdi. Bu haqda O‘zbekistonning Yekaterinburg shahridagi bosh konsulxonasi ma’lumotiga asoslanib, TIV matbuot xizmati xabar berdi. Qayd etilishicha, avariya 16-fevral kuni soat 5:30 lar atrofida sodir bo‘lgan. "VAZ” haydovchisi qor yog‘ayotgani tufayli boshqaruvni yo‘qotib, yo‘lning qarama-qarshi yo‘nalishiga chiqib ketgan hamda KIA Rio bilan to‘qnashgan. Avariya oqibatida VAZning 2001-yilda tug‘ilgan hamda KIA Rio’ning 1983-yilda tug‘ilgan yo‘lovchisi voqea joyida halok bo‘lgan. Olti kishi jarohat olib, kasalxonaga yotqizilgan. Hodisa sabablariga oydinlik kiritilmoqda. Bosh konsulxona vaziyatni nazoratga oldi hamda O‘zbekiston Bandlik va mehnat munosabatlari vazirligi huzuridagi Tashqi mehnat migratsiyasi masalalari agentligining vakolatxonasi bilan birgalikda marhumning jasadini vatanga jo‘natish bilan bog‘liq konsullik-huquqiy va tashkiliy masalalarni hal qilmoqda. "Konsullik-huquqiy departamenti YTH munosabati bilan hamdardlik izhor etadi hamda Rossiyaning Ural federal okrugi hududida bo‘lib turgan O‘zbekiston fuqarolariga ular zarurat tug‘ilgan holatlarda mamlakatimizning Yekaterinburg shahridagi Bosh konsulxonasiga quyidagi telefon raqamlari orqali murojaat qilishlari mumkinligini eslatib o‘tadi: +7 343 276 31 66, +7 343 272 31 33”, — deyiladi xabarda. Eslatib o‘tamiz, 12-fevral kuni Chelyabinsk viloyati hududida yuz bergan yo‘l-transport hodisasi oqibatida bir nafar O‘zbekiston fuqarosi vafot etgan, yana ikki nafar o‘zbekistonlik tan jarohati olgan edi.

1 2 3 4 5 Категория: Har-Hil | Просмотров:517 | Добавил: moderator | Теги: yangilik | Рейтинг: 0.0/0

Всего комментариев: 0