Главная » 2023 » Yanvar » 22 » Rossiyada o‘zbekistonlik ishchi 13 metrlik balandlikdan qulab halok bo‘ldi

---

21:26 Rossiyada o‘zbekistonlik ishchi 13 metrlik balandlikdan qulab halok bo‘ldi

Rossiyaning Leningrad viloyati Maloe Karlino qishlog‘ida o‘zbekistonlik erkak 13 metrlik balandlikdan qulab halok bo‘ldi. Bu haqda 47Channel xabar berdi. Ma’lum qilinishicha, hodisa 21-yanvar kuni tushga yaqin "Predportovy” yopiq aksionerlik jamiyati filiali hududida sodir bo‘lgan. Skotch ishlab chiqaruvchi zavod qurilishida tomni ta’mirlayotgan erkak tomdan qulab tushgan. Uning xo‘jayini zudlik bilan tez yordam chaqirgan, biroq voqea joyiga yetib kelgan shifokorlar ishchi o‘lganini aniqlagan. Huquq-tartibot idoralari voqeani baxtsiz hodisa deb hisoblamoqda, biroq voqea joyidan xavfsizlik arqoni o‘rganish uchun olingan. Avvalroq Qozog‘istonning Aqmola viloyatidagi ishlamayotgan "Bestobe” koni hududida noqonuniy oltin qazib oluvchilar o‘zbekistonlik erkakning jasadini aniqlagandi. Yanvar oyida Rossiyaning Volxova shahrida o‘zbekistonlik 20 yoshli yigit plyonka maydalagichga tushib ketib, halok bo‘lgan. Dekabr oyida Rossiyada o‘zbekistonlik quruvchi balandlikdan qulab vafot etgan. 12-dekabr kuni ham Sankt-Peterburgda o‘zbekistonlik ishchi 7-qavatdan qulab halok bo‘lgandi.

1 2 3 4 5 Категория: Har-Hil | Просмотров:231 | Добавил: moderator | Теги: yangilik | Рейтинг: 0.0/0

Всего комментариев: 0