Главная » 2022 » Avgust » 16 » Rossiya TIV: Afg‘oniston maxsus kuchlari askarlari Ukraina tomonida turib jang qilmoqda

---

17:04 Rossiya TIV: Afg‘oniston maxsus kuchlari askarlari Ukraina tomonida turib jang qilmoqda

Afg‘onistonni tark etgan maxsus topshiriqli bo‘linmalar sobiq jangchilarining bir qismi Ukrainada qurolli guruhlarga qo‘shilib olgan. Bu haqda Rossiya prezidentining Afg‘oniston bo‘yicha maxsus vakili Zamir Kabulov ma’lum qildi, deb yozadi "RBK”. "Yollanma askarlar sifatida, pul evaziga — aftidan, ularga va’da berishgan, axir yashash uchun nimadir qilish kerak-ku, — ular ukrainalik natsistlarga qo‘shilmoqda”, — dedi maxsus vakil. Kabulov bergan ma’lumotlarga ko‘ra, harbiylar, shuningdek, IShID guruhiga ham kelib qo‘shilmoqda. Diplomat qayd etishicha, Afg‘oniston maxsus xizmatlari jangchilarining joylashuvi masalasi yaqinda Qirg‘iziston vakili tomonidan Toshkentdagi uchrashuvda ko‘tarilgan. "Ular juda ko‘pchilik bo‘lib qochib ketgandi, endi esa o‘tiribdi kutib, ularni amerikaliklar yoki boshqalar olib ketmayapti, lekin o‘zlari shunga va’da bergan — qariyb 110 ming afg‘onistonlik AQSHga kirish uchun ruxsatnoma berilishini kutib sandiroqlab yuribdi, ammo, aftidan, hech kim ularga hech qanaqa ruxsatnoma bermoqchi emas”, — deya qo‘shib qo‘ydi maxsus vakil. Bundan tashqari, diplomatning so‘zlariga ko‘ra, Rossiya afg‘on harbiylari o‘tgan yili O‘zbekiston va Tojikistonga qochib o‘tgan yuzga yaqin samolyot va vertolyotlar Ukrainaga kelib tushishi xavfini ko‘rmoqda. "Afg‘oniston harbiy boshliqlari va harbiy xizmatchilari qochib, bir necha o‘nlab vertolyot va samolyotlarni o‘g‘irlab ketgan paytida O‘zbekiston va Tojikiston hududlariga kelib qolgan o‘sha vertolyot va samolyotlar (Tojikistonda 60 ga yaqin, O‘zbekistonda 40—50 ta) Ukrainaga tushib qolmasligi biz uchun muhim”, — dedi Kabulov. Maxsus operatsiyalar boshida Ukraina prezidenti Vladimir Zelenskiy "xalqaro legion” tuzilgani haqida e’lon qildi, u yerga chet ellik ko‘ngilli fuqarolar xizmat uchun kirishi mumkin edi. Rossiya ushbu bo‘linma harbiy xizmatchilarini yollanma jangchilar deb ataydi. Rossiya Mudofaa vazirligining iyuldagi ma’lumotlariga ko‘ra, 24-fevraldan buyon Ukrainaga 7,1 ming yollanma askar kelgan; ularning 4,3 mingdan ortig‘i yo‘q qilingan yoki jangovar harakatlar hududini tark etgan, 2,7 mingdan ziyod kishi esa nizoda qatnashishda davom etmoqda. Ba’zi mamlakatlar, masalan, Kanada va Polsha Ukrainada o‘z fuqarolari halok bo‘lgani haqidagi ma’lumotlarni tasdiqlagan. Amerikaliklar o‘limi haqida CNN va Politico xabar bergan. IShID ekstremistik guruhi jahonning bir qator mamlakatlari va xalqaro tashkilotlar tomonidan "terrorchilik tashkiloti” deb topilgan.

1 2 3 4 5 Категория: Har-Hil | Просмотров:447 | Добавил: moderator | Теги: yangilik | Рейтинг: 0.0/0

Всего комментариев: 0