Rossiya O‘zbekistonga neft berishni to‘xtatdi - 4 Мая 2018 - www.Nozim-Studio.com

Главная » » Rossiya O‘zbekistonga neft berishni to‘xtatdi

14:34 Rossiya O‘zbekistonga neft berishni to‘xtatdi
Joriy yilning 2-choragi uchun Rossiya O‘zbekistonga neft eksportini to‘xtatadi. Bu haqda Rossiya YOqilg‘i energetika kompleksi Markaziy dispecherlik boshqarmasi ma'lumot berdi. Ma'lumotga ko‘ra, joriy yilning daslabki choragida Rossiya O‘zbekistonga quyidagi hajmlarda neft eksportini amalga oshirgan: yanvar oyida 24,9 ming tonna; fevral oyida yetkazib berilmagan; mart oyida 11,1 ming tonna. Demak, Rossiya O‘zbekistonga 2018 yilning birinchi choragida 36 ming tonna neft yetkazib bergan. Ma'lumot o‘rnida, 2017 yilda jami 68,2 ming tonna neft Rossiyadan O‘zbekistonga olib kelingan. Joriy yilning 26 fevralida esa Rossiyaning "Transneft” kompaniyasi vitse-prezidenti o‘zbekistonlik hamkorlar bilan yangi muzokaralar olib borayotganini ma'lum qilgan edi. Ta'kidlash kerakki, o‘tgan yilning aprel oyida O‘zbekiston Prezidentining Rossiyaga tashrifi davomida 500 ming tonna neft yetkazib berish bo‘yicha ikki tomonlama shartnoma imzolangan edi. Hozirda Rossiyaning "Rossneft”, "Lukoyil” va "Gazpromneft” kompaniyalari O‘zbekistonga neft eksport qilishni boshlashi taxmin qilinmoqda. Eslatib o‘tamiz, avvalroq, O‘zbekiston Respublikasi Prezidenti Shavkat Mirziyoyev Buxorodagi Qandim neftni qayta ishlash majmuasidagi nutqida "Lukoyil” kompaniyasi bilan neft yetkazib berish to‘g‘risida shartnoma tuzilganini ma'lum qilgan edi.
1 2 3 4 5 Категория: Har-Hil \| Просмотров:1057 \| Добавил: Moderator \| Рейтинг: 0.0/0