Главная » 2023 » Yanvar » 9 » Rossiya harbiylari Xarkovdagi bozorga raketalar uchirdi

---

20:34 Rossiya harbiylari Xarkovdagi bozorga raketalar uchirdi

Rossiya armiyasi 9-yanvar kuni ertalab Xarkov viloyati Shevchenkovo ​​qishlog‘idagi bozorga raketa hujumi uyushtirdi. Bu haqda Ukraina prezidenti ofisi rahbari o‘rinbosari xabar berdi. Hodisa oqibatida ikki kishi halok bo‘ldi, yetti kishi, jumladan 13 yoshli o‘smir jarohatlandi. Bir sutka davomida Ukraina hududiga yettita raketa uchirilgan, 31 ta aviazarba va bir nechta raketa tizimlaridan 73 ta hujum qayd etilgan. Ukraina qurolli kuchlari Lugansk va Donetsk viloyatlaridagi Soledar, Baxmut, Maryinka hamda boshqa to‘qqizta aholi punktlarida Rossiya harbiylarining hujumlarini qaytargan. "Hozirda Rossiya armiyasi Baxmut, Avdeyevskiy va Limanskiy yo‘nalishlarida hujum amaliyotlarini o‘tamoqda. Kupyanskiy yo‘nalishida taktik vaziyatni yaxshilashga urinmoqda” — deydi Ukraina qurolli kuchlari Bosh shtabi. Ma’lumot o‘rnida, 27-dekabrda Rossiya harbiylari Xersondagi kasalxonaning tug‘ruq bo‘limini o‘qqa tutgandi. Hujum oldidan shifokorlar kesarcha kesishni yakunlashga muvaffaq bo‘lgan. 24-dekabr kuni Rossiya qo‘shinlari Xersonda, jumladan, ikkita tibbiyot muassasasiga zarba bergan. Xerson viloyat klinik shifoxonasi hududi o‘qqa tutilgan. Snaryadlar viloyat psixiatrik yordam ko‘rsatish muassasasiga ham kelib tushgan. U yerda shifokor xonasi, tomning bir qismi va isitish tizimi vayron bo‘lgan.

1 2 3 4 5 Категория: Har-Hil | Просмотров:286 | Добавил: moderator | Теги: yangilik | Рейтинг: 0.0/0

Всего комментариев: 0