Главная » 2017 » Sentyabr » 4 » Rossiya Bosh konsulligi AQSH nazoratiga o‘tdi

---

17:14 Rossiya Bosh konsulligi AQSH nazoratiga o‘tdi

Rossiya Federatsiyasining San-Fransisko shahrida joylashgan Bosh konsullik idorasining diplomatik xizmat bo‘limi AQSH xavfsizlik xizmati nazoratiga o‘tdi. Bu haqda RIA Novosti agentligi xabar bermoqda.   San-Fransisko politsiyasi tomonidan o‘rab olingan Bosh konsullik idorasi hududida xizmat bo‘limidan tashqari diplomatik xizmat xodimlarining turar-joylari ham mavjud bo‘lib, ular joriy yilning 1 oktyabr kuniga qadar ushbu turar-joylardan foydalanish huquqiga egalar.   Rossiya Bosh konsuli Sergey Petrovning fikriga ko‘ra, rossiyalik diplomatlar 1 oktyabrga qadar konsullik idorasi binosini bo‘shatishlari lozim, ushbu talab AQSH hukumati tomonidan qo‘yilgani aytilgan.   Diplomatik xizmat xodimining ta'kidlashicha, AQSHning harakatlari 1961 va 1963 yillarda imzolangan diplomatik aloqalar to‘g‘risidagi konvensiyalar bilan o‘rnatilgan tartiblarni buzadi.   Rossiya tomonining aytishicha, San-Fransiskodagi vakolatxonadagi xodimlar  Sietldagi Bosh konsullikda o‘z faoliyatini davom ettiradi.   Avvalroq, AQSH Havo sifatini nazorat qiluvchi agentlik vakillari Rossiya Federatsiyasining San-Fransisko shahridagi konsullik idorasiga vakolatxona mo‘rilaridan ko‘tarilgan tutun sababli tashrif buyurgani va Rossiya Federatsiyasi AQSH tomonining San-Fransiskodagi ekologik tekshirishlar yuzasidan keltirib chiqargan vajlari natijasida sovuqlashayotgan munosabatlar to‘g‘risida norozilik notasini yuborgani haqida xabar bergan edik.

1 2 3 4 5 Категория: Har-Hil | Просмотров:1310 | Добавил: Admin | Теги: Rossiya Bosh konsulligi AQSH nazora | Рейтинг: 0.0/0

Всего комментариев: 0