Madridning "Real” klubi safida yana bir bor chempionlar ligasi finalida g‘alaba qozonishga urinib ko‘radigan portugaliyalik Krishtianu Ronaldu necha yoshgacha to‘p surishini aytdi.

 

Ayni paytda 33 yoshni qoralagan "Real” hujumchisi Ispaniya telekanallaridan biridagi "El Chiringuito” dasturi mehmoni bo‘lib, "nazarimda, 41 yoshgacha bemalol futbol o‘ynay olaman”, degan.

 

Jurnalistning ketma-ket savollariga "Hali oldimda ko‘p vaqt bor. O‘zimni yaxshi his etyapman. Maydonda toliqqanim ham yo‘q. Xuddi yosh yigitlar singari yuguryapman.

 

Hozircha sog‘liqimdan shikoyatim yo‘q. Shanba kungi finalda mening qandayligimga futbol muxlislari yana bir bor amin bo‘lishadi. Ishonamanki, bizni qo‘llab-quvvatlovchilar o‘yindagi har bir holatni ko‘zdan qochirishmaydi”, deya qo‘shimcha qilgan Ronaldu.

 

Ma'lumot uchun, "Real” Madrid – "Liverpul” uchrashuvi 26 may kuni Kiyevda Toshkent vaqti bilan soat 23:45 da boshlanadi.