Главная » 2020 » Mart » 24 » Rasman: Koronavirus sabab Tokio—2020 Olimpiadasi 1 yilga kechiktirildi

---

17:32 Rasman: Koronavirus sabab Tokio—2020 Olimpiadasi 1 yilga kechiktirildi

2020-yil Tokio mezbonligida o‘tishi rejalashtirilgan navbatdagi yozgi Olimpiada o‘yinlari koronavirus sabab kechiktirildi. Yaponiya bosh vaziri Sindzo Abe Xalqaro olimpiya qo‘mitasi raisi Tomas Bax bilan 2020-yilgi Tokio Olimpiadasini 1 yilga kechiktirish bo‘yicha kelishuvga erishganini e’lon qildi. Avvalroq Abening XOQ rahbariga Olimpiadani 1 yilga kechiktirish taklifi bilan chiqishi ma’lum bo‘lgan, bu taklifga esa bir nechta mamlakatning Milliy olimpiya qo‘mitalari ham rozilik bildirgandi. Tokiodagi Olimpiada o‘yinlari 24-iyuldan 9-avgustga qadar o‘tishi belgilangdi. Jahon sog‘liqni saqlash tashkilotining so‘nggi ma’lumotlariga ko‘ra, koronavirus sabab dunyo bo‘ylab 330 mingdan ortiq kishi zararlangan, 14,5 ming kishi vafot etgan.

1 2 3 4 5 Категория: Har-Hil | Просмотров:541 | Добавил: moderator | Теги: yangilik | Рейтинг: 0.0/0

Всего комментариев: 0