Главная » 2022 » Oktyabr » 4 » Ramzan Qodirovdan yangi safsata: u Ginness ro‘yxatiga kirmoqchi

---

02:10 Ramzan Qodirovdan yangi safsata: u Ginness ro‘yxatiga kirmoqchi

Checheniston rahbari Ramzan Qodirov Rossiya rekordlar kitobiga, keyin esa Ginness kitobiga murojaat qilib, unga nisbatan joriy etilgan sanksiyalar soni bo‘yicha rekord o‘rnatmoqchi.  "Jami menga qarshi 15 ta, oila a’zolarimga 10 ta, hamkorlarim va hamkasblarimga 28 ta, tashkilotlarga 9 ta, otlarga 4 ta va Instagram akkauntlariga qarshi 4 ta to‘g‘ridan-to‘g‘ri cheklovlar qo‘yildi. Birinchidan, men Rossiya Rekordlar kitobiga murojaat qilaman. Bu men uchun hali ham yaqinroq va azizroq. Keyin esa chet ellik siyosatchilar 11 yil davomida cheklovlarni bekorga o‘ylab topmaganliklarini his qilishlari uchun Ginness rekordlari kitobiga ham murojaat qilaman”, deb yozdi Qodirov bugun, 3 oktyabr kuni Telegram’dagi kanalida.  Uning qayd etishicha, hatto Belarus Prezidenti Aleksandr Lukashenko va Suriya yetakchisi Bashar al-Assad ham bunday raqam bilan maqtana olmaydi.   "Men hatto Shimoliy Koreya yetakchisidan ham o‘zib ketdim va u haqida Gollivud filmlari suratga olinmoqda. Aytgancha, balki Gollivud dahshatli Ramzan Qodirov haqida film suratga olishni xohlar? Bosh rolni o‘ynashga tayyormisiz”, deydi Checheniston rahbari. Eslatib o‘tamiz, Qodirov biroz avval Ukrainaning Krasniy Liman shahri boy berilishida general-polkovnik Aleksandr Lapinni aybladi va yadro qurolidan foydalanish zarurligini aytdi. Uning bu dahshatli taklifiga Prezidentning Matbuot kotibi Dmitriy Peskov munosabat bildirib, eng qiyin damlarda ham vaziyatga baho berishda his-tuyg‘ularni aralashtirmaslikka chaqirdi.

1 2 3 4 5 Категория: Har-Hil | Просмотров:380 | Добавил: moderator | Теги: yangilik | Рейтинг: 0.0/0

Всего комментариев: 0