Главная » 2023 » Iyul » 20 » Qozog‘istonga qaysi davlatlar milliardlab dollar sarmoya kiritmoqda?

---

22:33 Qozog‘istonga qaysi davlatlar milliardlab dollar sarmoya kiritmoqda?

Qozog‘istonga to‘g‘ridan to‘g‘ri xorijiy investitsiyalarning yalpi oqimi bo‘yicha yetakchi davlatlar maʼlum bo‘ldi. Bu haqda Tengrinews xabar berdi. Ma’lumot Qozog‘iston prezidenti huzuridagi Markaziy kommunikatsiyalar xizmati tomonidan o‘tkazilgan matbuot anjumanida keltirildi. Unga ko‘ra, 2022-yili Qozog‘istonga to‘g‘ridan to‘g‘ri xorijiy investitsiyalar bo‘yicha yetakchi davlatlar quyidagilar: Niderlandiya (8,3 milliard dollar); AQSH (5,1 milliard dollar); Shveysariya (2,8 milliard dollar); Belgiya (1,6 mlrd dollar); Rossiya (1,5 milliard dollar); Janubiy Koreya (1,5 milliard dollar); Xitoy (1,4 milliard dollar); Fransiya (770 million dollar); Buyuk Britaniya (661 million dollar); Germaniya (470 million dollar). "2022-yili mamlakatlar bo‘ylab to‘g‘ridan to‘g‘ri xorijiy investitsiyalar oqimini diversifikatsiya qilishda ijobiy tendensiya kuzatildi. Investitsiyalar hajmining sezilarli o‘sishi Janubiy Koreya, Singapur, Birlashgan Arab Amirliklari, Germaniyadan kuzatilmoqda”, — dedi tashqi ishlar vaziri o‘rinbosari Almas Aydarov. Kazakh invest milliy kompaniyasi boshqaruvi raisi Meirjan Yusupovning so‘zlariga ko‘ra, 2022-yil Qozog‘istonda bir qator transmilliy kompaniyalar o‘z ishlab chiqarishlarini ochgan. Masalan, Janubiy Koreyaning Hyundai Motor Corporation kompaniyasi Olmaotada kichik tugunli yig‘ish usulini (CKD) kengaytirgan bo‘lsa, Britaniyaning Weir Minerals kompaniyasi Mang‘istov viloyatida vintli nasoslar ishlab chiqarishni yo‘lga qo‘ygan.

1 2 3 4 5 Категория: Har-Hil | Просмотров:73 | Добавил: moderator | Теги: yangilik | Рейтинг: 0.0/0

Всего комментариев: 0