Главная » 2022 » Yanvar » 21 » Qozog‘istonda hujjatlari bo‘lmagan 18 nafar o‘zbekistonlikning muammosi hal etildi

---

19:15 Qozog‘istonda hujjatlari bo‘lmagan 18 nafar o‘zbekistonlikning muammosi hal etildi

Qozog‘istonda vaqtincha ro‘yxatga turish muddati tugagan va ishlash uchun ruxsatnomasi bo‘lmagan o‘zbekistonliklarning muammosi hal etildi, deb xabar beradi Tashqi mehnat migratsiyasi agentligi. Ma’lum qilinishicha, 19-yanvar kuni Nur-Sulton shahri Yesil tumani migratsiya politsiyasi idorasida hujjatsiz ushlangan O‘zbekiston fuqarolari to‘g‘risida ma’lumot kelib tushgan. Ushbu ma’lumotga ko‘ra, Yesil tumani migratsiya politsiyasi idorasiga borib, 18 nafar O‘zbekiston fuqarolari bilan uchrashilgan. Fuqarolarning pasporti borligi, ammo vaqtinchalik ro‘yxatga turish muddati tugagani va ishlash uchun ruxsatnomasi yo‘qligi ma’lum bo‘lgan. Fuqarolarga Qozog‘iston qonunlarini buzmaslik, o‘rnatilgan tartibda hujjatlarni rasmiylashtirish borasida huquqiy tushuncha berilgan. Shuningdek, fuqarolar Qozog‘istonga tanishlari orqali kelib, qurilishda ishlayotganini ma’lum qilgan. Ularga Tashqi mehnat migratsiyasi agentligi tomonidan amalga oshirilayotgan pilot loyiha mazmun-mohiyati tushuntirilgan. Uchrashuvda Yesil tumani migratsiya politsiyasi tomonidan birinchi marta Qozog‘istonga kelgan fuqarolarga ogohlantirish, ikki yoki ko‘p marta kelganlarga jarima yozilgan. Avvalroq O‘zbekiston fuqarolarining Janubiy Koreyaga kirishiga vaqtinchalik cheklov qo‘yilishi mumkinligi, O‘zbekiston va Kuvayt o‘rtasida mehnat migratsiyasini tashkil etish bo‘yicha hukumatlararo bitim imzolanishi, Germaniyada o‘zbekistonlik hamshiralarga 2,5 ming dollardan ortiq maoshli ish taklif qilinayotgani, Rossiyadagi o‘zbekistonlik migrantlarga yordam puli berilishi rad etilgani to‘g‘risida xabar berilgandi.

1 2 3 4 5 Категория: Har-Hil | Просмотров:297 | Добавил: moderator | Теги: yangilik | Рейтинг: 0.0/0

Всего комментариев: 0