Главная » 2016 » Avgust » 25 » Qozog‘istonda dunyoga kelgan to‘rt oyoqli chaqaloq vafot etdi

---

11:08 Qozog‘istonda dunyoga kelgan to‘rt oyoqli chaqaloq vafot etdi

Bir necha jarrohlik amaliyotlarini boshdan o‘tkazgan bolakay shifoxonaning jonlantirish bo‘limida vafot etdi. Yodingizda bo‘lsa, iyun oyining 23 sanasida Aqto‘be shahrida dunyoga kelgan egizak bolakaylarning biri to‘rt oyoq bilan tug‘ilgani haqida xabar bergan edik.   Shifokorlar uning hayotini saqlab qolish uchun qator operatsiyalarni o‘tkazishdi. Biroq shifokorlarning harakatlariga qaramay, bir necha kun avval, bolakay vafot etdi. Bu haqda  "Nur.kz” nashri xabar bermoqda.   Bu go‘dakning oyoqlari ikkita emas to‘rtta, ikki ortiqcha oyog‘i esa siydik qopi o‘rniga joylashgan edi. Shuningdek, unda yurak qon tomirlari parogi, orqa teshigi anomaliyasi  mavjud edi. 25 iyun kuni go‘dak ustida uning siydik yo‘lini tiklash bo‘yicha ilk jarrohlik amaliyoti o‘tkazildi va u omadli kechgandi. Shu vaqtgacha u sun'iy nafas olish apparatiga ulangan edi. Shifokorlar uning yashab ketishiga umid qilib, oshqozon-ichak sohasida bir necha jarrohlik amaliyotlarini o‘tkazishdi. Keyingi qadam – uning ikki oyog‘ini olib tashlash bo‘ldi. Biroq bolakay yashab keta olmadi va bolalar shifoxonasining jonlantirish bo‘limida vafot etdi.

1 2 3 4 5 Категория: Har-Hil | Просмотров:1939 | Добавил: Admin | Теги: Qozog‘istonda dunyoga kelgan to‘rt | Рейтинг: 0.0/0

Всего комментариев: 0