Главная » 2023 » Iyul » 10 » Qozog‘iston va O‘zbekiston davlat chegarasini demarkatsiya qilishni yakunladi

---

23:11 Qozog‘iston va O‘zbekiston davlat chegarasini demarkatsiya qilishni yakunladi

Qozog‘iston va O‘zbekiston davlat chegarasini demarkatsiya qilish ishlarini muvaffaqiyatli yakunladi. Bu haqda Qozog‘iston Tashqi ishlar vazirligi rasmiy vakili Aybek Smadiyarovga tayanib, Tengrinews xabar berdi. "Shartnoma 2022-yil 22-dekabr kuni Toshkentda ikki davlat rahbarlari tomonidan imzolangan va ikki davlat parlamentlari tomonidan ratifikatsiya qilingan. Mazkur kelishuvning kuchga kirishi Qozog‘iston va O‘zbekiston o‘rtasidagi 19 yillik davlat chegarasini demarkatsiya qilish jarayoni to‘liq yakunlanganini bildiradi. 2357 kilometrlik chegara 1301 ta chegara belgisi bilan belgilangan va sakkiz mingdan ortiq sahifadan iborat bir demarkatsiya hujjatida aks ettirilgan”, — dedi Smadiyarov. 2022-yilda Qozog‘iston va O‘zbekiston davlat chegarasini demarkatsiya qilish bo‘yicha kelishuv loyihasini kelishib oldi. 30-iyun kuni Shavkat Mirziyoyev tomonidan imzolangan qonun bilan O‘zbekiston bilan Qozog‘iston o‘rtasida O‘zbekiston—Qozog‘iston davlat chegarasini demarkatsiya qilish to‘g‘risidagi shartnoma ratifikatsiya qilingandi. Senatning 23-iyun kuni bo‘lib o‘tgan qirq ikkinchi yalpi majlisida ushbu qonun ko‘rib chiqilib, ma’qullangandi.  Muhokama chog‘ida hujjat Shavkat Mirziyoyev va Qosim-Jo‘mart To‘qayev tomonidan uning 2022-yil 21-dekabr kuni O‘zbekistonga davlat tashrifi chog‘ida imzolangani bilan alohida ahamiyatga ega ekani alohida ta’kidlangandi. Shartnoma ratifikatsiya qilinishi ikki davlat o‘rtasidagi ko‘p qirrali hamkorlik aloqalarini yanada mustahkamlash hamda kengaytirishga xizmat qilishi qayd etilgandi.

1 2 3 4 5 Категория: Har-Hil | Просмотров:64 | Добавил: moderator | Теги: yangilik | Рейтинг: 0.0/0

Всего комментариев: 0