Главная » 2016 » Sentyabr » 4 » Putin Xitoy rahbariga bir quti rus muzqaymog‘ini sovg‘a qildi

---

12:20 Putin Xitoy rahbariga bir quti rus muzqaymog‘ini sovg‘a qildi

Xanchjou shahrida bo‘ladigan G20  ("Katta yigirmalik”) sammitida qatnashish uchun unga a'zo davlat rahbarlari Xitoyga tashrif buyurmoqdalar.   Rossiya Prezidenti Vladimir Putin XXR raisi Si Szinpinga bir quti rus muzqaymog‘idan olib keldi. Bu haqda RIA Novosti xabar bermoqda.   "Men sizga buni olib kelishga va'da bergan edim. Sizga muzqaymoqning butun boshli qutisini sovg‘a tariqasida olib keldim”, deydi Putin.   Si Szinpin sovg‘a uchun Putinga minnatdorchilik bildirdi.   "Sovg‘a uchun, mazali muzqaymoq uchun katta rahmat. Har safar Rossiyaga tashrif buyursam, menga rus muzqaymog‘ini olib kelishlarini so‘rayman, keyin biz uni uyda yeymiz. Sizlarda eng zo‘r qaymoq bor, shuning uchun ham muzqaymoq juda mazali bo‘ladi.  Menga juda yoqadi”, deydi Si Szinpin.   Sharqiy iqtisodiyot forumi chog‘ida Putin Uzoq Sharq investorlari bilan uchrashuvda xitoyliklar Rossiyadan ularga yoqadigan muzqaymoqni olib keta olmasliklarini bilib olgan. Shundan so‘ng, u Si Szinpinga sovg‘a tariqasida muzqaymoq olib kelishga va'da bergan.   Ma'lumot uchun, G20 sammiti 4-5 sentyabr kunlari Xitoyning Xanchjou shahrida bo‘lib o‘tadi. Unda davlat rahbarlari asosan "Innovatsion, sog‘lom, izchil va inklyuziv jahon iqtisodiyotini barpo etish” mavzusini muhokama qiladilar.

1 2 3 4 5 Категория: Har-Hil | Просмотров:1498 | Добавил: Admin | Теги: Putin Xitoy rahbariga bir quti rus | Рейтинг: 0.0/0

Всего комментариев: 0