Главная » 2022 » Dekabr » 29 » Putin va Si Szinpin 30-dekabrda muzokara o‘tkazadi

---

21:54 Putin va Si Szinpin 30-dekabrda muzokara o‘tkazadi

Rossiya prezidenti Vladimir Putin va Xitoy rahbari Si Szinpin 30-dekabr kuni videokonferensiya shaklida muzokara o‘tkazadi. Bu haqda "Interfaks” xabar berdi. Davlat rahbarlari eng dolzarb mintaqaviy muammolarni muhokama qiladi. "Putin va Si Szinpin o‘rtasida ertalab bo’lib o‘tadigan muloqotga tayyorlanayapmiz. Bu videokonferensiya shaklida tashkil etiladi”, — dedi Kreml matbuot kotibi Dmitriy Peskov. Dastlab muzokaraning kirish qismi ochiq shaklda, keyin esa yopiq rejimda bo‘lib o‘tadi. "Albatta, bunda qizg‘in mintaqaviy muammolar yuzasidan fikr almashish muhim o‘rinda turadi. Muhokama mavzulari orasida Rossiya va Xitoy uchun alohida ahamiyatli bo‘lganlar ham bor”, — dedi Peskov. Bundan tashqari, Putin va Si Szinpin ikki tomonlama munosabatlar, xususan, o‘zaro savdoning jadal o‘sishini muhokama qiladi. "Davlat rahbarlari bu masalalarni haqiqiy strategik sheriklik ruhida muhokama qiladi”, — deydi Kreml rasmiysi. 22-dekabr kuni Rossiya Xavfsizlik kengashi raisi o‘rinbosari Dmitriy Medvedev Xitoyga tashrif buyurib, mamlakat rahbari Si Szinpin bilan uchrashdiva unga Putinning murojaatini yetkazdi. Murojaatda "Rossiya—Xitoy siyosiy muloqoti va amaliy hamkorligining misli ko‘rilmagan darajasi” qayd etilgan.

1 2 3 4 5 Категория: Har-Hil | Просмотров:87 | Добавил: moderator | Теги: yangilik | Рейтинг: 0.0/0

Всего комментариев: 0