Главная » 2020 » Yanvar » 29 » Putin Chuvashiston rahbarini ishdan haydadi. U avvalroq blogerlarning “surobini to‘g‘rilash” kerakligini aytgan va o‘t o‘chiruvchini sakrash

---

22:12 Putin Chuvashiston rahbarini ishdan haydadi. U avvalroq blogerlarning “surobini to‘g‘rilash” kerakligini aytgan va o‘t o‘chiruvchini sakrash

Rossiya prezidenti Vladimir Putin Chuvashiston rahbari Mixail Ignatyevni "ishonchni yo‘qotgani munosabati bilan” lavozimidan ozod qildi. Bu haqda Meduza xabar bermoqda. Mixail Ignatyev (o‘ngdan birinchi). "Spravedlivaya Rossiya” partiyasidan Rossiya Davlat dumasi (parlament quyi palatasi)ga saylangan, palataning millatlar ishlari bo‘yicha qo‘mitasi raisi Oleg Nikolayev Chuvashiston rahbari vazifasini vaqtincha bajaruvchi etib tayinlangan. Mixail Ignatyev 2010-yil iyulidan beri Chuvashistonga rahbarlik qilib kelayotgan edi. Ignatyev yanvar oyi o‘rtalarida, matbuotdagi buyurtma materiallar haqida gapirarkan, jurnalist va blogerlarning "surobini to‘g‘rilab qo‘yish” kerakligini ta’kidlagan edi. 23-yanvar kuni esa yangi o‘t o‘chirish mashinalarining kalitlarini topshirish marosimida FVV xodimini kalitni olish uchun bir necha bor sakrashga majbur qilgan edi.Shundan so‘ng, Ignatyev 28-yanvar kuni Rossiyada hukmron "Yedinaya Rossiya” partiyasi safidan chiqarilgani ma’lum bo‘ldi. Partiya bosh kengashi kotibi Andrey Turchak "Yedinaya Rossiya” a’zolari Ignatyev ortiq Chuvashistonga rahbarlik qilmasligi kerak, degan fikrda ekanligini ma’lum qilgan edi. Rossiyada "ishonchni yo‘qotgani munosabati” degan ifoda bilan biror bir hudud rahbari so‘nggi bor 2017-yil aprelida ishdan olingan edi. O‘shanda 140 million rubl miqdorida pora olganlikda ayblangan Udmurtiston rahbari Aleksandr Solovyev lavozimidan ayrilgan edi. Oleg Nikolayev asli chuvashistonlik bo‘lib, 2015-yili Chuvashiston rahbarligi uchun saylovda 14,7 foiz ovoz olib, ikkinchi o‘rinni egallagan. Saylovda Mixail Ignatyev 65,5 foiz ovoz bilan g‘alaba qozongan edi.

1 2 3 4 5 Категория: Har-Hil | Просмотров:696 | Добавил: moderator | Теги: yangilik | Рейтинг: 0.0/0

Всего комментариев: 0