Главная » 2022 » Aprel » 27 » “PSJ” yozda sakkiz futbolchisi bilan xayrlashmoqchi

---

19:01 “PSJ” yozda sakkiz futbolchisi bilan xayrlashmoqchi

"PSJ” mavsum yakunida tarkibda jiddiy o‘zgarishlar qilmoqchi. Get French Football News xabariga ko‘ra, parijliklar birinchi navbatda Yulian Draksler, Leandro Paredes, Tilo Kerer va Leyvin Kurzava bilan xayrlashmoqchi. Leandro Paredesning "PSJ” bilan shartnomasi 2023-yil yozida o‘z nihoyasiga yetadi. Futbolchiga bir nechta italyan jamoalari qiziqish bildirmoqda. Parijliklar argentinalik futbolchini 2019-yilda "Zenit”dan 47 million yevro evaziga xarid qilgan edi. Kererning Parij klubi bilan bitimi 2023-yil yoziga qadar mo‘ljallangan. Uning taxminiy transfer narxi 20—30 million yevroni tashkil etadi. Futbolchiga nemis va ingliz klublaridan takliflar bor. Chap qanot himoyachisi Leyvin Kurzava o‘tgan yozda "PSJ”ni tark etishni xohlamagandi. Uning parijliklar bilan shartnomasi 2 yildan so‘ng o‘z nihoyasiga yetadi. 29 yoshli futbolchi joriy mavsum Chempionlar Ligasida faqat bitta o‘yinda maydonga tushdi. Himoyachiga "Lion” va Turkiya jamoalari qiziqish bildirmoqda. Avvalroq, "PSJ” Lionel Messidan boshqa barcha argentinalik futbolchilari bilan xayrlashmoqchi ekanligi xabar qilingandi. Undan tashqari Antonio Konte "PSJ”da Maurisio Pochettinoning o‘rnini egallashga tayyorligini bildirgandi.

1 2 3 4 5 Категория: Har-Hil | Просмотров:775 | Добавил: moderator | Теги: yangilik | Рейтинг: 0.0/0

Всего комментариев: 0