Главная » 2022 » Mart » 8 » “PSJ” Kilian Mbappega futbol tarixidagi eng katta shartnoma taklif qilgani aytilmoqda

---

22:48 “PSJ” Kilian Mbappega futbol tarixidagi eng katta shartnoma taklif qilgani aytilmoqda

"PSJ” Kilian Mbappega futbol tarixidagi eng daromadli shartnomani taklif qildi. The Independent xabariga ko‘ra, parijliklar hujumchiga yiliga 100 million yevrolik shartnoma taklif qilgan. Qayd etilishicha, futbolchiga asosiy da’vogar bo‘lib turgan "Real” bu haqida xabar topgan, ammo unga bunday taklif bilan chiqa olmaydi. Madridliklar Kilianni klubning boy tarixi hamda kelajagi o‘ziga jalb etishiga umid qilmoqda. Avvlaroq "PSJ” Mbappega 50 million yevro maosh va yana sadoqat uchun qo‘shimcha 100 million yevro bonus bilan yangi shartnoma taklif qilgani haqida xabar berilgandi. Bungacha Kilian "PSJ” tarixida eng yaxshi to‘purarga aylanish uchun klubda qolishi mumkinligi xabar qilingandi. Shuningdek, Fransiyaning amaldagi va sobiq prezidentlari ham Kilian Mbappega "PSJ”da qolishni maslahat bergandi. Ma’lumot uchun, 2021/22-yilgi mavsumda Mbappe barcha musobaqalarda 34 ta o‘yinda ishtirok etib, 24 ta gol va 17 ta golli uzatma muallifiga aylangan. 23 yoshli Mbappe 2017-yilda "Monako”dan "PSJ”ga ijara asosida o‘tgan edi. 2018-yilda parijliklar 145 million yevroga futbolchini to‘liq sotib olgan. Mbappening "PSJ” bilan amaldagi shartnomasi 2022-yil yozida o‘z nihoyasiga yetadi. Avvalroq bir necha marotaba hujumchining "Real”ga o‘tishi haqida xabarlar yangragandi.

1 2 3 4 5 Категория: Har-Hil | Просмотров:403 | Добавил: moderator | Теги: yangilik | Рейтинг: 0.0/0

Всего комментариев: 0