Главная » 2016 » Dekabr » 2 » Prezident saylovining natijalari qachon e'lon qilinadi?

---

16:18 Prezident saylovining natijalari qachon e'lon qilinadi?

O‘zbekiston Respublikasi kutilayotgan katta siyosiy jarayon – O‘zbekiston Respublikasi Prezidenti sayloviga ham sanoqli kunlar qoldi. 4 dekabr kuni g‘alvir suvdan ko‘tarilib, bugungacha qilingan tashviqot ishlari o‘z natijasini ko‘rsatadi. Qariyb 22 mln saylovchining ovozi O‘zbekiston Respublikasining ertangi kuni, rivojlanish va taraqqiyot yo‘lini belgilab berishi, shubhasiz.   Xo‘sh, 4 dekabr kuni bo‘lib o‘tadigan Prezident saylovining natijalar qachon e'lon qilinadi? Prezident lavozimini kim egallashi qachon ma'lum bo‘ladi? Bu savol hali saylov o‘tmay turib ko‘pchilikni o‘ylantirayotgani aniq.   O‘zbekiston Elektron ommaviy axborot vositalari milliy assotsiatsiyasi va Nodavlat teleradiokompaniyalar hamkorligida tashkil etilgan "PRESS CLUB: ELECTIONS.UZ-2016” matbuot klubida mazkur savollarga ham javob topildi.   30 noyabr kuni o‘z ishini boshlagan "PRESS CLUB: ELECTIONS.UZ-2016”ning 5-sessiyasida O‘zbekiston Respublikasi Oliy Majlis Qonunchilik palatasi deputatlari Rahimjon Hakimov, Shuhrat YOqubov va Oliy Majlisning Inson huquqlari bo‘yicha vakili o‘rinbosari Sanjar Hamidullayev ishtirok etdi.   Prezident saylovi natijalari qachon e'lon qilinishi bilan bog‘liq savol fuqarolar orasida juda ko‘p uchrayotgani va bu hamma vaqt qiziq savol sanalganini e'tirof etgan Rahimjon Hakimov quyidagicha javob berdi.   "O‘zbekiston Respublikasi Prezidenti saylovi to‘g‘risida”gi qonunning 36-moddasiga ko‘ra, O‘zbekiston Prezidenti saylovi bo‘lib o‘tgan kundan keyin 10 kun ichida Markaziy saylov komissiyasi saylov natijalarini e'lon qiladi”.

1 2 3 4 5 Категория: Har-Hil | Просмотров:1994 | Добавил: Admin | Теги: Президент сайловининг натижалари қа | Рейтинг: 0.0/0

Всего комментариев: 0