Pokistonning Peshovar shahrida qurollangan noma’lum shaxslar 500 ga yaqin maktab o‘quvchisini asirga oldi, deb xabar bermoqda "TASS”. Qayd etilishicha, maktab binosi ichida o‘q ovozlari eshitilmoqda. Yon-atrof harbiylar tomonidan qurshab olingan. Pokiston nashrlarining xabar berishicha, besh nafar o‘quvchi o‘ldirilgan, 40 dan ortig‘i jarohat olgan. Terakt uchun javobgarlikni "Tahriqi tolibon Pokiston” guruhi o‘z bo‘yniga olishga ulgurdi. Terrorchilar hozircha hech qanday talabni ilgari surmagan.