Главная » 2022 » Dekabr » 29 » Peskov Rossiya Ukraina dronlaridan himoyalanganmi, degan savolga javob berishdan bosh tortdi

---

21:53 Peskov Rossiya Ukraina dronlaridan himoyalanganmi, degan savolga javob berishdan bosh tortdi

Rossiya prezidenti matbuot kotibi Dmitriy Peskov jurnalistlarning Rossiya Ukraina dronlari hujumidan himoyalanganmi, degan savoliga javob bermadi. Bu haqda "RIA Novosti” xabar berdi. Peskov prezident ma’muriyati bu masalalar bilan shug‘ullanmasligini aytib, bu savol bilan boshqa idoraga murojaat qilishni so‘radi. "Siz menga prezident ma’muriyatining aloqasi yo‘q bo‘lgan savol beryapsiz. Shuning uchun bu savol bilan boshqa idoralarga murojaat qilishni so‘rayman”, — dedi siyosatchi. 26-dekabr kuni Rossiyaning havo hujumiga qarshi mudofaa tizimlari Saratovdagi Engels harbiy aerodromiga yaqinlashib kelayotgan Ukraina dronini urib tushirdi. Dron qismlarining qulashi oqibatida uch nafar harbiy xizmatchi og‘ir tan jarohati oldi, uch kishi halok bo‘ldi. Aerodromdagi samolyotlarga zarar yetmagan. Hodisa sababli Rossiya Engels'dagi qiruvchi samolyotlarini boshqa joyga ko‘chirmoqchi, bu uning Ukrainaga raketa zarbalari berishini qiyinlashtirishi mumkin. 5-dekabr kuni Rossiya Mudofaa vazirligi Ukraina Saratov va Ryazan viloyatlaridagi harbiy aerodromlarga dron bilan hujum qilishga uringani, oqibatda uch harbiy halok bo‘lganini ma’lum qildi. Bunga javoban Rossiya Ukraina harbiy qo‘mondonlik va nazorat tizimi va tegishli mudofaa 17 ta obyektlariga kuchli zarba bergan.

1 2 3 4 5 Категория: Har-Hil | Просмотров:240 | Добавил: moderator | Теги: yangilik | Рейтинг: 0.0/0

Всего комментариев: 0