Главная » 2016 » Dekabr » 5 » Ozodbek NAZARBEKOV: “Qizim saylovga boraman deb xarxasha qildi”

---

09:37 Ozodbek NAZARBEKOV: “Qizim saylovga boraman deb xarxasha qildi”

Bugun mamlakatimizda O‘zbekiston Respublikasi Prezidenti saylovi bo‘lib o‘tmoqda. "Elections.uz” press-klubiga bugun san'atkorlar tashrif buyurib, jurnalistlar bilan bugungi jarayon haqida o‘z taasurotlari va fikr-mulohazalarini o‘rtoqlashishmoqda. Nozim-Studio.com portali O‘zbekiston va Qoraqalpog‘iston xalq artisti Ozodbek Nazarbekovni suxbatga chorladi. –Ozod aka, kayfiyatlaringiz qanday? – Kayfiyatim a'lo. To‘g‘risini aytsam bugun hayajondan uxlamadim desam ham bo‘ladi. Bugun butun O‘zbekiston uchun hayajonli, tarixda qoladigan, Vatanimiz taqdirini hal qiladigan kun. Shu sababdan bir tomondan mas'uliyat, ikkinchi tomondan bayramona kayfiyat. Quvonarlisi shundaki, saylov uchastkalarida bugungi siyosiy jarayonnin xalqimiz muhim deb bilib, yoshu-qari birdek o‘z huquqidan foydalangan holda o‘zining va Vatanining taqdiriga, kelajagiga befarq bo‘lmayotganligi, bu esa 25 yil ichida xalqimizning siyosiy saviyasi yuksalganidan dalolat. Bu Birinchi Prezidentimiz Islom Abdug‘aniyevich aytganlaridek, "Biz bugun kechagi odamlar emasmiz” degani. O‘zini haq-huquqini taniydigan, dunyoda hech kimdan kam bo‘lmagan xalq bo‘lganimizdan yana bir dalolat. Bugun yana bir bor xalqimiz yakdillik bilan yashayotganiga guvoh bo‘ldim. Buni nafaqat biz, balki tashqaridan kelgan mehmonlar butun dunyodan kelgan jurnalistlar va kuzatuvchilar e'tirof etishyapti. Umuman bugungi saylov tashkilotchiligi ham biz eng rivojlangan davlatlar qatorida ekanligimizdan dalolat. Bugun ushbu press-klubda jurnalistlarning to‘g‘ridan-to‘g‘ri tezkor tarzda ravishda faoliyat olib borayotgani demokratiya yo‘lida qo‘yilgan samarali qadamlarimizning yana bir isboti bo‘lyapti. Bugun ertalab saylovga tayyorlanib, choy ichib tursak 10 yoshli qizim mening ham tanlagan odamim bor, men ham saylovga boraman, ovoz beraman, deb harhasha qildi. Bu nimdaan dalolat, bu bolalarimiz ham bugungi siyosiy jarayonga befarq emasligidan dalolat.  Ertalab soat 7 da saylov uchastkamga bordim, hammaning yuzida bayramona kayfiyat. Tashqi ko‘rinishlari ham bayramona. Oilaning har bir a'zosi o‘z kelajagi uchun o‘z huquqidan foydalanib, o‘zi tanlagan insonga ovoz beryapti. Fursatdan foydalanib, hali ovoz berishga ulgurmagan yurtdoshlarimni bugungi muhim voqyeada bevosita o‘zi ishtirokchi bo‘lishiga va o‘zi tanlagan nomzodga ovoz berishga chaqirmoqchiman.”

1 2 3 4 5 Категория: Har-Hil | Просмотров:1625 | Добавил: Admin | Теги: Озодбек НАЗАРБЕКОВ: “Қизим сайловга | Рейтинг: 5.0/1

Всего комментариев: 0