Главная » 2023 » Fevral » 1 » Osiyoning eng boy milliarderlari ro‘yxati yetakchisi o‘zgardi

---

22:33 Osiyoning eng boy milliarderlari ro‘yxati yetakchisi o‘zgardi

Hindistonlik milliarder Gautam Adani "korporativ firibgarlik” ayblovlari ortidan Adani Group kompaniyalari aksiyalari tushib ketgani sababli Osiyoning eng boy tadbirkori maqomini yo‘qotdi. Bu haqda Forbes Real-Time ma’lumotlarida qayd etildi.  Bir kun davomida Gautam Adanining boyligi yana 14 mlrd dollarga kamaydi va 74,7 mlrd dollar bo‘lib turibdi.  Osiyodagi eng boy odam endilikda neftni qayta ishlash, chakana savdo va telekommunikatsiya sohasida boylik orttirgan yana bir hindistonlik milliarder Mukesh Ambani hisoblanadi.  Uning kapitali 83,6 milliard dollarga baholangan. Yuqori uchlikka, shuningdek, 69,3 milliard dollar boyligi bilan xitoylik tadbirkor Chjung Shanshan (shishali suv kompaniyasi egasi) kirgan. 1-fevral, chorshanba kuni Mumbay birjasida Adani Group flagman kompaniyasi Adani Enterprises aksiyalari 28,2 foizga arzonlashdi. 24-yanvargacha Adani Forbes’ning dunyoning eng boy odamlari reytingida uchinchi o‘rinda edi. O‘shandan beri uning boyligi deyarli 50 milliard dollarga kamaydi. Qisqa savdoga ixtisoslashgan Hindenburg Research investitsiya tadqiqot kompaniyasi hisoboti e’lon qilinganidan keyin investorlar Adani Group kompaniyalarining qimmatli qog‘ozlarini ommaviy ravishda sota boshladi.  U 24-yanvar kuni e’lon qilingan va unda Adanining kompaniyalarida bir nechta korporativ huquqbuzarliklar haqida batafsil ma’lumot berilgan. Adani ushbu hisobotni "obro‘ga putur yetkazish” va aksiyalarga bo‘lgan talabni kamaytirishga qaratilgan "noto‘g‘ri ma’lumotlar” deb atadi.  413 betlik raddiyada Adani Group ayblovlarni "faqat biron bir kompaniyaga asossiz hujum emas, balki Hindistonga qasddan qilingan hujum” deya rad etgan.   Hindenburg Research bunga javoban Adani Group’ni Hindiston bayrog‘ini niqob sifatida ishlatib, "millatni tizimli ravishda talon-taroj qilishda” ayblagan.

1 2 3 4 5 Категория: Har-Hil | Просмотров:174 | Добавил: moderator | Теги: yangilik | Рейтинг: 0.0/0

Всего комментариев: 0