Главная » 2016 » Avgust » 22 » Olimpiada sovrindori o‘z vataniga qaytishga qo‘rqyapti

---

23:34 Olimpiada sovrindori o‘z vataniga qaytishga qo‘rqyapti

Efiopiyalik marafonchi vataniga qaytsa, uni o‘ldirishlaridan cho‘chiyapti. Rio-de-Janeyro shahrida o‘tkazilgan Olimpiada o‘yinlaridagi marafonda kumush medalni qo‘lga kiritgan efiopiyalik yuguruvchi Feyisa Lilesa o‘z vataniga qaytishga qo‘rqyapti. Bunga uning Efiopiya hukumatiga nisbatan qilgan noroziligi sabab bo‘lmoqda.   Lilesa marra chizig‘ini kesib o‘tayotgan paytda o‘z noroziligini harakati, ya'ni qo‘llarini qovushtirgan holda boshi uzra ko‘targan holda ifoda etdi.   "Agar Efiopiyaga qaytsam, meni o‘ldirishadi. Agar o‘ldirishmasa,  qamoqqa tashlashadi yoki aeroportda qo‘lga olishadi. Ammo men qaror qabul qildim. Balki, boshqa davlatga ketarman...”, deydi Lilesu.   Marafonchi mamlakat rahbariyatini tanqid qilib, unga qarshi norozilik bildirganlarni qamoq jazosiga hukm etayotganini ta'kidlab o‘tdi. Uning aytishicha, hukumat noqonuniy ravishda ko‘plab odamlarni panjara ortiga ravona qilmoqda. Lilesa bu norozilik harakatini yaqinlari qamoqda bo‘lganlarni qo‘llab-quvvatlash uchun amalga oshirganini aytdi.   Efiopiyada Lilesaning rafiqasi va ikki farzandi qolgan.

1 2 3 4 5 Категория: Har-Hil | Просмотров:2017 | Добавил: Admin | Теги: Olimpiada sovrindori o‘z vataniga q | Рейтинг: 0.0/0

Всего комментариев: 0