Главная » 2018 » Iyun » 7 » Olimlar it va mushuklarning didi nimasi bilan farq qilishini aniqladi

---

13:42 Olimlar it va mushuklarning didi nimasi bilan farq qilishini aniqladi

Itlar yog‘li go‘shtni ma’qul ko‘radi, mushuklar esa shirinroq ovqatlarni yoqtiradi, bunda ikkala hayvon ham oqsillarni kamroq kaloriya beruvchi deb hisoblaydi. Bu haqda Journal of Experimental Biology jurnaliga tayanib, "RIA Novosti” xabar berdi. Mushuk va itlarning egalarini nima uchun hayvonlari ba’zi ovqat turlarini juda yoqtirishi, boshqalaridan esa bosh tortishi qiziqtirib keladi. AQShning Oregon shtati olimlari bu savolga javob topishga urinib ko‘rdi. Ular veterinarlar tomonidan laboratoriyada tayyorlangan tajriba ovqatlarining "degustatorlari” bo‘lgan o‘ttiztacha it va mushukni kuzatgan. Tajriba uchun biologlar bir xil ta’m, hid va ko‘rinishga, biroq oqsil, yog‘ va uglevodlarning turli miqdoriga ega bo‘lgan bir necha xil it va mushuklar ovqatini tayyorlagan. Bu "ovqatlar”ning har biridan solingan idishlar hayvonlar oldiga qo‘yilgan va har bir idishdan xohlagancha yeyishga imkon berilgan. Hayvonlar keraklicha kaloriyani olgach, idishlar olib qo‘yilgan va keyingi ovqatlanish seansida idishlarga qaytadan ovqat to‘ldirib, ular tasodifiy tartibda joylashtirilgan. Shu tariqa olimlar jamoasi odatlar va xotira ta’sirini neytrallashtirib, qaysi moddalar hayvonlarga ko‘proq yoqishini aniqlashga harakat qilgan. Mushuklar shirin ovqat ta’mini seza olmasa ham, ularga ko‘proq uglevodli ovqatlar ma’qul kelgan — ular bunday ovqatlarni 43 foiz holatda tanlagan. Ikkinchi o‘rindan yog‘ joy olgan. Mushuklarning "an’anaviy” ovqati hisoblangan oqsillar ularga eng kam ma’qul bo‘lgan. Itlar esa ko‘proq yog‘li ovqatlarni ma’qul ko‘rgan, "go‘shtsiz” ovqatlar ular uchun eng oxirgi o‘rindan joy olgan. Hech bir hayvon oqsillarni asosiy kaloriya manbai sifatida tanlamagan.

1 2 3 4 5 Категория: Har-Hil | Просмотров:1128 | Добавил: Moderator | Рейтинг: 0.0/0

Всего комментариев: 0