Главная » 2016 » Yanvar » 18 » Obama Michigan shtatining Flint shahrida favqulodda holat e’lon qildi

---

07:12 Obama Michigan shtatining Flint shahrida favqulodda holat e’lon qildi

AQSh prezidenti Barak Obama Michigan shtatining Flint shahrida favqulodda holat e’lon qilish haqidagi dekretga imzo chekdi. Bu haqda "Interfaks” xabar bermoqda.Mazkur dekret salkam 100 ming aholisi bor shaharga ichimlik suvi bilan bog‘liq muammo sababli federal yordam olish huquqini beradi. Flintga to‘g‘ridan-to‘g‘ri 5 million dollar ajratilishi mumkin, ammo buning uchun shtat ham taxminan 1,25 million dollar qo‘shishi kerak. Flint fuqarolari quvurlaridagi ichimlik suvi 2014-yil aprelida, Guron ko‘liga ulangan quvurlar ta’mirlangani sababli shahar rasmiylari suv bilan ta’minlash tizimini o‘zgartirgandan so‘ng yaroqsiz holga keldi. Shaharga Flint daryosidan suv kela boshladi va fuqarolar orasida g‘alati hid hamda ta’mdan shikoyat ko‘paydi. Aholiga suvni qaynatib ichish haqida ko‘rsatma berildi, General Motors zavodi esa jihozlar ishdan chiqishini aytib, suvdan foydalanishni to‘xtatdi.

1 2 3 4 5 Категория: Har-Hil | Просмотров:1339 | Добавил: Admin | Рейтинг: 0.0/0

Всего комментариев: 0