Главная » 2021 » Dekabr » 6 » O‘zbekistonga Pfizer vaksinasining 301 860 dozalik partiyasi olib kelindi

---

19:33 O‘zbekistonga Pfizer vaksinasining 301 860 dozalik partiyasi olib kelindi

6-dekabr kuni O‘zbekistonga Pfizer/BioNTech vaksinasining 301 860 dozalik partiyasi olib kelindi. Bu haqda SSV matbuot xizmati xabar berdi. Ma’lum qilinishicha, O‘zbekistonda hozirda emlash jarayonlarida foydalanilayotgan jami vaksina 43 107 478 dozani tashkil qilmoqda. Ulardan: 2 254 480 dozasi — AstraZeneca; 32 431 838 dozasi — ZF-UZ-VAC2001; 1 128 500 dozasi — "Sputnik V”; 3 000 060 dozasi — Moderna; 2 316 600 dozasi — Pfizer/BioNTech; 1 976 000 dozasi — Sinovac vaksinasidir. Shundan 34 874 583 dozasi emlash jarayonlarida qo‘llangan. Eslatib o‘tamiz, 25-oktabr kuni AQSh tomonidan xayriya sifatida O‘zbekistonga yuborilgan Pfizer/BioNTech vaksinasining 273 780 dozalik partiyasi olib kelingandi. Avvalroq O‘zbekistonga olib kelingan "Sputnik Layt” vaksinasi tugagani, O‘zbekiston SSV vaksina olmagan fuqarolarga emlanganlik haqida SMS-xabarnomalar kelayotganiga izoh bergani, mamlakatda koronavirusga qarshi buster doza bilan emlash boshlangani to‘g‘risida xabar berilgandi.

1 2 3 4 5 Категория: Har-Hil | Просмотров:314 | Добавил: moderator | Теги: yangilik | Рейтинг: 0.0/0

Всего комментариев: 0