Главная » 2020 » Dekabr » 21 » O‘zbekistonga iliq havo oqimi kirib kelishi kutilyapti

---

15:18 O‘zbekistonga iliq havo oqimi kirib kelishi kutilyapti

Bugun va ertaga O‘zbekistonda ob-havo sharoitini dam olish kunlari hududga kirib kelgan quruq va deyarli sovuq antitsiklon havo massalari belgilaydi. «O‘zgidromet» xabariga ko‘ra, barcha viloyatlarda ob-havo yog‘ingarchiliksiz bo‘lishi kutilmoqda, kechasi va ertalab ba'zi joylarga tuman tushishi mumkin. Havo harorati kechalari 0-5 daraja sovuq, kunduz kunlari 0-5 daraja iliq atrofida, ba'zi joylarda 7 daraja iliq bo‘ladi.  23 dekabrda Kavkaz hududlaridan kirib kelgan biroz nam havo massalari respublika hududlari bo‘yicha siljiydi. Respublika hududlarining ko‘p qismida yog‘ingarchiliksiz bulutli ob-havo bo‘lishi kutilmoqda, faqat markaziy hududlar bo‘yicha ba'zi joylarda biroz yog‘ingarchilik bo‘lishi mumkin. Havo harorati deyarli o‘zgarmaydi.  24-25 dekabrda hududga Eron hududlaridan iliq havo massalari kirib keladi. Havo harorati ko‘tariladi va ish haftasining oxiriga kelib, kunduz kunlari havo 7-12 darajagacha isiydi. Hududlarning ko‘p qismida shu kunlarda yog‘ingarchiliksiz ob-havo saqlanib turadi. Faqat respublikamizning shimoli-g‘arbiy hududlariga 25 dekabrda janubiy siklon kirib kelishi boshlanadi, buning hisobiga Qoraqalpog‘istonda, Xorazm, Buxoro, Navoiy viloyatlarida asosan yomg‘ir ko‘rinishidagi biroz yog‘ingarchilik bo‘lishi mumkin.

1 2 3 4 5 Категория: Har-Hil | Просмотров:583 | Добавил: moderator | Теги: yangilik | Рейтинг: 0.0/0

Всего комментариев: 0