Главная » 2020 » Fevral » 22 » O‘zbekistondagi har bir mahallada fuqarolar yig‘inining yangi kompleksi quriladi

---

18:57 O‘zbekistondagi har bir mahallada fuqarolar yig‘inining yangi kompleksi quriladi

Fuqarolar yig‘inining yangi kompleksi namunaviy loyihalarga muvofiq DXSh shartlarida tanlov savdolarini o‘tkazmasdan to‘g‘ridan to‘g‘ri shartnomalar asosida jalb qilingan investorlar ishtirokida quriladi, deb yozmoqda Norma. Ularga zarur yer uchastkalari ajratiladi. Tartib 2020-yilning 1-iyuliga qadar "Mahalla markazi” majmualari qurilishi (rekonstruksiya qilinishi, ta’mirlanishi) tugallanishi va ularda Mahalla va oilani qo‘llab-quvvatlash vazirligining hududiy bo‘linmalari, shuningdek "Mahalla” xayriya jamoat fondi joylashtirilishi lozim bo‘lgan Qoraqalpog‘iston, viloyatlar markazlari va Toshkent shahriga nisbatan tatbiq etilmaydi. Qayd etilishicha, yer uchastkalarini tanlab olish mahalliy ijro etuvchi hokimiyat organlari tomonidan vazirlik bilan kelishilgan holda amalga oshiriladi. Har bir kompleks DXSh to‘g‘risidagi kelishuvda qat’iy belgilangan muddatlarda tutash hudud obod qilingan holda qurilishi kerak. Qurilishi tugallangan komplekslardan keyinchalik foydalanish tartibi DXSh to‘g‘risidagi kelishuv bilan belgilanadi. Bunda fuqarolarning o‘zini o‘zi boshqarish organlari foydalanilmayotgan xonalarni mustaqil ravishda ijaraga berish va kelib tushayotgan mablag‘larni o‘zlarining hisobvaraqlariga o‘tkazish hamda ulardan faqat komplekslarni saqlash va obodonlashtirish xarajatlarini qoplash uchun sarflashga haqlidir. Investorning tashabbusi bo‘yicha kelishuv bekor qilinganda, uning qurilishga sarflagan xarajatlari qoplanmaydi, qurilishi tugallanmagan obyekt davlat mulkiga o‘tkaziladi va boshqa investorlar qidiriladi. Qo‘shimcha rag‘batlantirish sifatida investorlarga ularning faoliyat ko‘rsatishi fuqarolar yig‘inlarining ishi uchun noqulayliklar yaratmasligi sharti bilan tijoriy maqsadlar uchun qurilishga ajratilgan komplekslardan kichik bo‘lmagan maydonga ega bo‘lgan komplekslarga tutash obyektlar ajratiladi. Investorning huquq va majburiyatlari, ushbu obyektlarda amalga oshirilishi mumkin bo‘lgan biznesning faoliyat turlari va yo‘nalishlari, shuningdek, DXShning boshqa shartlari investor va hokimlik o‘rtasida tuziladigan kelishuvlarda aks ettiriladi. Bunda, bunday obyektni qurib bitkazgandan keyin, investor u foydalanishga topshirilgan sanadan boshlab 3 yil mobaynida quyidagi soliqlarni 50 foizga kamaytirilgan stavkada to‘laydi: yer solig‘i va mol-mulk solig‘i — taqdim etilgan yer uchastkasi va unda qurilgan ko‘chmas mulk qismida; foyda solig‘i, aylanmadan olinadigan soliq — mazkur obyektlarda amalga oshiriladigan tadbirkorlik faoliyatidan olinadigan foyda yoki jami daromad qismida. Fuqarolar yig‘inlariga ijtimoiy dasturlar doirasida kreditlar berish boshlanadi, masalan, "Har bir oila – tadbirkor”, "Yoshlar – kelajagimiz” va "Hunarmandchilikni rivojlantirish dasturi”. Shu tufayli ular fuqarolarning o‘zini o‘zi boshqarish organlarining moddiy-iqtisodiy asoslarini mustahkamlash va aholini ish bilan ta’minlash borasidagi imkoniyatlarini kengaytirish uchun tadbirkorlik faoliyati bilan shug‘ullanishlari mumkin bo‘ladi.

1 2 3 4 5 Категория: Har-Hil | Просмотров:637 | Добавил: moderator | Теги: yangilik | Рейтинг: 0.0/0

Всего комментариев: 0