Главная » 2018 » May » 4 » O‘zbekistonda yana bir ulug‘ allomaga atalgan majmua barpo etiladi

---

14:41 O‘zbekistonda yana bir ulug‘ allomaga atalgan majmua barpo etiladi

O‘zbekiston Respublikasi Hukumati kecha, 3 may kuni Abu Ali ibn Sino merosi majmuasini barpo etish to‘g‘risida farmoyish chiqardi. Bu haqda Adliya vazirligining "Huquqiy axborot” kanalida xabar berildi.   Farmoyishiga muvofiq, Buxoro viloyatining Peshku tumanidagi Afshona qishlog‘ida xalq tabobati markazi, ekobog‘ (qishki bog‘), hovuz, milliy choyxona, tabiiy giyohlar, dorivorlar, alloma ijodi va tabobatga oid adabiyotlar savdo shoxobchasi, kutubxona hamda zamonaviy mehmonxonani o‘z ichiga olgan Abu Ali ibn Sino merosi majmuasi barpo etiladi.   Mazkur Majmua mahalliy va xorijiy investorlar mablag‘larini jalb etilgan holda 2019 yilning avgust oyiga qadar ishga tushiriladi.   Buxoro aeroporti va temir yo‘l vokzalidan Afshona qishlog‘iga xavfsizlikni ta'minlagan holda turistik avtobus, mikroavtobus va taksi xizmatlari tashkil etiladi.   Farmoyishda shuningdek, Abu Ali ibn Sino dovrug‘ini jahon miqyosida yanada keng targ‘ib qilish bo‘yicha muntazam ravishda xorijiy mamlakatlar, ayniqsa buyuk olim haykali o‘rnatilgan Fransiya, Avstriya, Belgiya, Turkiya, Eron va Tojikiston davlatlari delegatsiyalarining O‘zbekistonga tashriflarini tashkil etish ham nazarda tutilmoqda.   Ma'lumot o‘rnida, Ibn Sino Sharq Uyg‘onish davrining eng yetuk mutafakkirlaridan biri sanaladi. Uning ijodiy faoliyati davomida yozgan asarlari, ayniqsa, tibbiyot va falsafaga oid qarashlari keyingi davr avlodlari uchun darslik vazifasini o‘tamoqda.   Eslatib o‘tamiz, O‘zbekiston Respublikasi Prezidentining "Diniy-ma'rifiy soha faoliyatini tubdan takomillashtirish chora-tadbirlari to‘g‘risida”gi farmoniga asosan ulug‘ hadisshunos Imom al-Buxoriy nomi bilan  Davlat mukofoti joriy qilingan edi.

1 2 3 4 5 Категория: Har-Hil | Просмотров:1173 | Добавил: Moderator | Рейтинг: 0.0/0

Всего комментариев: 0