Главная » 2020 » Fevral » 17 » O‘zbekistonda propiska so‘zi amaliyotdan chiqariladi

---

16:02 O‘zbekistonda propiska so‘zi amaliyotdan chiqariladi

O‘zbekistonda propiska so‘zi boshqa so‘z birikmasi bilan almashtiriladi. Bu haqda O‘zbekiston ichki ishlar vaziri o‘rinbosari Azizbek Ikromov Xalqaro press klubning navbatdagi sessiyasida aytib o‘tdi. "Propiska — eskidan qolib ketgan tizim. 2011-yildan hozirga qadar Toshkent viloyatida 76 mingdan ziyod fuqaro, Toshkent shahrida esa 200 ming fuqaro doimiy propiskaga o‘tgan. Endilikda propiska so‘zi amaldan chiqarilib, o‘rniga ‘qayd etish’ so‘z birikmasi ishlatiladi”, — degan Azizbek Ikromov. Eslatib o‘tamiz, Prezident Shavkat Mirziyoyev 24-yanvar kuni Oliy Majlisga yo‘llagan Murojaatnomasida hukumat 1-aprelga qadar propiska tizimini isloh qilishni nazarda tutuvchi takliflarni ishlab chiqishi lozimligini ta’kidlagan edi. "Asosiy ishchi kuchi yashaydigan va ish o‘rinlari yaratilayotgan hududlarimiz o‘rtasida tafovut mavjud. Buning yechimi — ichki migratsiyani erkinlashtirishdir. Shu bois, parlament va hukumat 2020-yil 1-aprelga qadar propiska tizimini isloh qilish bo‘yicha xalqaro tajribani o‘rganib, aniq takliflarni ishlab chiqishi lozim”, — degan edi u.

1 2 3 4 5 Категория: Har-Hil | Просмотров:610 | Добавил: moderator | Теги: yangilik | Рейтинг: 0.0/0

Всего комментариев: 0