Главная » 2016 » Sentyabr » 30 » O‘zbekistonda hafta oxirida qanday ob-havo kuzatiladi?

---

10:45 O‘zbekistonda hafta oxirida qanday ob-havo kuzatiladi?

Bir hafta davomida poytaxtimiz Toshkentda havo harorati o‘rtacha 33 daraja issiq bo‘lib turgandi. 30 sentyabrga kelib havo harorati o‘rtacha 20 darajaga tushib ketdi.   YAqinlashib kelayotgan dam olish kunlari mamlakatimiz bo‘ylab havo biroz o‘zgarib turadi, ayrim hududlarda yomg‘ir yog‘ish ehtimoli mavjud.   Toshkent shahrida 30 sentyabr va 1 oktyabr kunlari qisqa muddatli yomg‘ir yog‘adi. Havo harorati kunduz kuni 22 daraja iliq bo‘lsa, kechasi 13 darajaga tushadi. Yakshanba 2 oktyabr kuni esa quyosh nuri yana ko‘zni quvontirishi kutilmoqda.   Qoraqalpog‘iston Respublikasi va Xorazm viloyatida ham havo harorati o‘rtacha 22 darajani tashkil etsa-da, yog‘ingarchilik kutilmaydi.   Buxoro va Navoiy viloyatlarida bugun yomg‘ir yog‘adi. Harorat 25 daraja iliq. Dam olish kunlari quyoshli ob-havo hukm surishi kutilmoqda.   Samarqand, Jizzax, Sirdaryo viloyatlarida esa 30 sentyabr va 1 oktyabr kunlari havo harorati 20-25 daraja iliq bo‘lib, yomg‘ir yog‘adi. Kechasi shamol tezligi sekundiga 12-17 metrgacha kuchayadi. 2 oktyabr kuni esa yog‘ingarchilik kutilmayapti.   Qashqadaryo va Surxondaryo viloyatlarida bugun harorat 25 daraja iliq bo‘lib, shamol tezligi kuchayadi hamda yomg‘ir yog‘ish ehtimoli bor. Qashqadaryo viloyatida dam olish kunlari havo ochilib ketsa, Surxondaryoda yomg‘ir dam olish kunlari ham davom etishi mumkin.   Farg‘ona vodiysida 30 sentyabrdan 2 oktyabrgacha havoning keskin o‘zgarishi kutilmoqda. 3 kun davomida yomg‘ir yog‘adi, shamol tezligi sekundiga 12-17 metrgacha kuchayadi.   O‘zbekiston Respublikasi Vazirlar Mahkamasi qoshidagi Gidrometeorologiya xizmati markazidan xabar qilishlaricha, 3-4 oktyabr kunlari Respublikamiz bo‘ylab yog‘ingarchilik kutilmaydi.

1 2 3 4 5 Категория: Har-Hil | Просмотров:2073 | Добавил: Admin | Теги: O‘zbekistonda hafta oxirida qanday | Рейтинг: 5.0/1

Всего комментариев: 0