Главная » 2020 » Mart » 25 » O‘zbekistonda chiqindilar orasidan tibbiy niqoblarni yig‘ayotgan fuqaroning shaxsi aniqlandi

---

15:26 O‘zbekistonda chiqindilar orasidan tibbiy niqoblarni yig‘ayotgan fuqaroning shaxsi aniqlandi

Ijtimoiy tarmoqlarda chiqindilar orasidan tibbiy niqoblarni yig‘ayotgani erkak videosi tarqalib, yig‘ib olingan niqoblar yana ishlatishga chiqarib yuborilishi mumkinligi gumon qilingandi. IIV matbuot xizmatining xabar berishicha, videoda aks etgan erkakning shaxsi aniqlandi. Ma’lum bo‘lishicha, u Guliston shahrida yashovchi ruhiy xasta fuqaro bo‘lib, ruhiy kasalliklar dispanseri hisobida turgan. Sog‘liqni saqlash vazirining 2020-yil 20-martdagi 114-son "Tibbiy buyumlar ro‘yxatiga o‘zgartirish kiritish to‘g‘risida”gi buyrug‘iga ko‘ra, O‘zbekistonda koronavirusining yangi turi tarqalishini oldini olish, respublika hududida qulay sanitariya-epidemiologik muhitni ta’minlash, aholining salomatligini muhofaza qilish uchun shaxsiy himoya vositalari bilan ta’minlash va tibbiyot niqobi taqchilligini olidini olish hamda mahalliy ishlab chiqaruvchilarga keng imkoniyat yaratish, shuningdek, tibbiy niqobni ishlab chiqarish, tayyorlash hamda uni realizatsiya qilish uchun litsenziya talab qilinishini inobatga olgan holda tibbiyot niqoblari tibbiy buyumlar ro‘yxatidan chiqarildi. Avvalroq Toshkentda hech qanday sifat sertifikatiga ega bo‘lmagan tibbiy niqoblar sotayotganlar aniqlangandi.

1 2 3 4 5 Категория: Har-Hil | Просмотров:578 | Добавил: moderator | Теги: yangilik | Рейтинг: 0.0/0

Всего комментариев: 0