Главная » 2021 » Mart » 2 » O‘zbekistonda Chevrolet Onix 9—12 ming dollar atrofida sotilishi kutilmoqda

---

14:42 O‘zbekistonda Chevrolet Onix 9—12 ming dollar atrofida sotilishi kutilmoqda

O‘zbekistonda Chevrolet Onix avtomobilini ishlab chiqarish 2022 yil oktabr—dekbar oylarida boshlanishi kutilmoqda. Bu haqda UzAuto Motors kompaniyasi bosh direktori vazifasini bajaruvchi Rustam Rajabov ma’lum qildi. Rustam Rajabovning ma’lum qilishicha, "jahondagi eng xaridorgir avtomobillardan bo‘lib turgan” Chevrolet Onix hozirgi kunda xalqaro bozorda 9—12 ming dollar atrofida sotilmoqda. "O‘zbekistonda ham taxminan shu narx atrofida sotuvga chiqariladi”, — dedi Rajabov. Fevral oyida O‘zbekistonga sinov uchun Chevrolet Onix’ning bir necha namunasi olib kelingani haqida xabar berilgan edi. "Ushbu namunalar mahalliy iqlim sharoitlarda sinash va salohiyatli xaridorlarning fikrini o‘rganish maqsadida xarid qilingan”, — deyilgandi kompaniya bayonotida. O‘zbekistonda Chevrolet Onix va yangi avlod Chevrolet Tracker avtomobillari ishlab chiqarilishi mumkinligi haqida ilk bor 2019-yil iyunida ma’lum bo‘lgan edi. Dastlabki reja bo‘yicha, Onix’ni ishlab chiqarishni mahalliylashtirish darajasi bosqichma-bosqich 60 foizga yetkazilishi, uning xorijdan olib kelinadigan ehtiyot qismlari umumiy qiymati (2019-yil iyul oyi holatiga ko‘ra) 2300 dollarni, mahalliy ehtiyot qismlarining umumiy narxi esa 4200 dollarga baholanayotgan edi. Kompaniya 2019-yilgi bayonotida 2020-yildan Global Emerging Markets (GEM) yagona byudjet platformasida Chevrolet Onix sedani va boshqa bir qator yangi modellarni ishlab chiqarishni yo‘lga qo‘yishini ma’lum qilgan edi (qayd etish joiz, Chevrolet Tracker‘ning yangi avlodi ham GEM platformasida yig‘iladi — UzAuto Motors uni 2021-yil uchinchi choragidan boshlab ishlab chiqarmoqchi). Yangi avlod Chevrolet Onix sedanining xalqaro taqdimoti 2019-yil bahorida Xitoyda bo‘lib o‘tgan, keyinroq General Motors kompaniyasi modelning eski avlodi ancha talabgir bo‘lgan Janubiy Amerika bozori uchun mo‘ljallangan alohida variantini namoyish etgan edi. Braziliya uchun mo‘ljallangan Chevrolet Onix 2020 modeli o‘z nomida maxsus Plus qo‘shimchasini olgan. Aynan shu mintaqa uchun modelning xetchbek ko‘rinishi ham ishlab chiqilgan. Ma’lumotlarga ko‘ra, Braziliyada Chevrolet Onix Plus’ning narxi 13,6 ming dollardan boshlanadi. 2020-yil noyabr oyida Shveysariyaning Credit Suisse banki UzAuto Motors’ga 150 million yevrogacha bo‘lgan miqdorda kredit ajratishi ma’lum bo‘lgan edi; kompaniya ushbu kredit mablag‘larini investitsiya loyihalarini amalga oshirishga, xususan, General Motors’ning GEM bazasidagi yangi modellarini ishlab chiqarishni o‘zlashtirishga yo‘naltirishi ko‘zda tutilgan.

1 2 3 4 5 Категория: Har-Hil | Просмотров:597 | Добавил: moderator | Теги: yangilik | Рейтинг: 0.0/0

Всего комментариев: 0