Главная » 2023 » Fevral » 27 » O‘zbekiston va Pokiston transafg‘on temiryo‘li qurilishini tezlashtirishga kelishib oldi

---

22:39 O‘zbekiston va Pokiston transafg‘on temiryo‘li qurilishini tezlashtirishga kelishib oldi

Pokiston delegatsiyasining Toshkentga tashrifi doirasida O‘zbekiston investitsiyalar, sanoat va savdo vaziri Laziz Qudratov Pokiston moliya vaziri Ishoq Dar bilan uchrashdi.  Uchrashuvda transafg‘on temiryo‘li qurilishi loyihasining borishini tezlashtirish bo‘yicha kelishuvga erishildi.  Boshqa kelishilgan chora-tadbirlar qatorida multimodal yuk tashish hajmini oshirish, mahsulotlarni uchinchi davlatlar bozorlariga birgalikda eksport qilish uchun har ikki davlat hududlarida terminallar tashkil etish kiradi. Shuningdek, banklararo aloqalarni kengaytirish imkoniyatlari muhokama qilindi. Markaziy banklar o‘rtasida SWAP operatsiyalari mexanizmini joriy etish, ikki mamlakat moliya institutlari o‘rtasida vakillik bank munosabatlarini rivojlantirish bo‘yicha chora-tadbirlar ko‘rish bo‘yicha kelishuvga erishildi. Avvalroq Shavkat Mirziyoyev ham Pokiston Moliya vaziri bilan uchrashuvda transafg‘on temiryo‘lini tezlashtirish kerakligini aytib o‘tgan edi. Loyahining tahminiy qiymati 5 mlrd dollarni tashkil qiladi. Uzunligi 600 kilometr bo‘lgan temiryo‘l Markaziy Osiyo mamlakatlari uchun Pokistonning yirik dengiz portlariga chiqish yo‘lini ochib beradi. Bu esa mintaqaviy aloqa va savdoni rivojlantirishga xizmat qiladi. Loyiha to‘liq amalga oshirilgach, Pokistondan O‘zbekistonga yuk tashish 35 emas, 3-5 kun davom etadi.  Bundan tashqari bitta standart konteynerni tashish narxi qariyb uch barobarga arzonlashishi kutilmoqda.  Shu bilan birga, prognozlarga ko‘ra, ushbu yo‘nalish bo‘ylab yuk tashish hajmi 10 million tonnaga yetishi mumkin.

1 2 3 4 5 Категория: Har-Hil | Просмотров:58 | Добавил: moderator | Теги: yangilik | Рейтинг: 0.0/0

Всего комментариев: 0