Главная » 2020 » Fevral » 16 » O‘zbekiston UNESCO’ning yana bir konvensiyasi ishtirokchisi bo‘ldi

---

15:46 O‘zbekiston UNESCO’ning yana bir konvensiyasi ishtirokchisi bo‘ldi

2020-yil 15-fevral kuni O‘zbekiston Respublikasi uchun UNESCO’ning Madaniy ifodalarning turli xil shakllarini muhofaza qilish va qo‘llab-quvvatlash to‘g‘risidagi konvensiyasi kuchga kirdi, deb xabar berdi TIV matbuot xizmati. Konvensiya 2005-yil 20-oktabrda Parij shahrida imzolangan va 2007-yil 18-martda kuchga kirgan. O‘zbekiston Konvensiyani 2019-yil 14-oktabrda ratifikatsiya qilgan. Hozirgi vaqtda hujjat 148 ta davlat tomonidan ratifikatsiya qilingan. Konvensiyaning asosiy maqsadi – madaniy o‘zini ifodalashning turli xil shakllarini himoya qilish va rag‘batlantirish, ushbu sohada xalqaro hamkorlikni mustahkamlash yo‘li bilan turli madaniyatlarning o‘zaro erkin aloqa qilishi va rivojlanishi uchun shart-sharoitlar yaratishdan iborat. Hozirgi vaqtda mamlakatda konvensiyaning asosiy qoidalarini hayotga tatbiq etish uchun tegishli chora-tadbirlar bosqichma-bosqich amalga oshirilmoqda, jumladan "Sharq taronalari” xalqaro musiqa festivali, Maqom san’ati xalqaro forumi, Xalqaro baxshichilik san’ati festivali o‘tkazilishi bunga yaqqol misol bo‘ladi.

1 2 3 4 5 Категория: Har-Hil | Просмотров:579 | Добавил: moderator | Теги: yangilik | Рейтинг: 0.0/0

Всего комментариев: 0