Главная » 2020 » Fevral » 26 » O‘zbekiston elektr energiyasi ishlab chiqarishni 1,2 foizga oshirdi

---

16:46 O‘zbekiston elektr energiyasi ishlab chiqarishni 1,2 foizga oshirdi

O‘zbekiston 2020-yil yanvar oyida 2019-yilning shu davriga nisbatan elektr energiyasi ishlab chiqarishni 1,2 foizga oshirdi. Bu haqda Davlat statistika qo‘mitasi tomonidan taqdim etilgan ma’lumotlarda so‘z boradi. Ma’lumotlarga ko‘ra, hisobot davrida mamlakat korxonalari tomonidan 6,1 milliard kVt/s elektr energiyasi ishlab chiqarilgan. Shuningdek, yanvar oyida O‘zbekistonda 3,81 million Gkal issiqlik energiyasi ishlab chiqarildi, bu 2019-yilning shu davriga nisbatan 0,03 foizga ko‘p. Elektr, gaz, bug‘ bilan ta’minlash va havoni konditsiyalash korxonalari tomonidan ishlab chiqarilgan mahsulotlar hajmi 2,6 trillion so‘mni (jami ishlab chiqarilgan sanoat mahsulotlari hajmining 9,4 foizini) tashkil etdi. 2020-yilning yanvar oyida sanoatning mazkur tarmog‘ida elektr energiyani ishlab chiqarish, uzatish va taqsimlash, bug‘ bilan ta’minlash tizimlari va havoni konditsiyalash o‘tgan yilning mos davriga nisbatan fizik hajm indeksi 2,5 foizga oshganligi kuzatildi.

1 2 3 4 5 Категория: Har-Hil | Просмотров:593 | Добавил: moderator | Теги: yangilik | Рейтинг: 0.0/0

Всего комментариев: 0