Ushbu suratdagi Onaxon Hadiyaxon aya Hoshimova bo'lib, 1903 yil 8 mart sanasida Namangan shahrida tug'ilgan.Bu onaxon 9 yoshida onasidan ayrilib yetim qolgan.Voyaga yetgach Namangan viloyati Mingbuloq tumanida yashovchi Muhammadqodir Boboyevga turmushga chiqqan.
Hadiyaxon aya Olti farzandni dunyoga keltirgan.Onaxon 1924 yildan to 1965 yilgacha ya'ni 41 yil o'sha vaqtdagi Andijon viloyati Namangan tumanidagi O'zbekiston jamoa ho'jaligi ishchisi sifatida ishlagan.
Onaxon hayoti davomida ko'p qiyinchiliklarni boshdan kechirgan 1967 yilda u turmush o'rtog'idan, 2009 yilda esa katta o'g'lidan ayrilgan.Turmush o'rtog'ining vafotidan keyin Hadiyaxon aya boshqa turmushga chiqmagan va farzandlarini bir o'zi boqib tarbiyalagan.
Bu Onaxon bolalik yillarida o'rik mag'zini suvga qaynatib ovqat o'rnida yeb qorin to'ydirgani hamda bolalarini atala bilan boqib katta qilgani haqida ko'p gapiradi. Hadiyaxon aya uyiga, uni ziyorat qilib kelganlarga ham boshidan o'tkazgan hayotiy voqealarini so'zlab beradi.
Hozirda Onaxon 116 yoshda bo'lishiga qaramay birovning yordamisiz o'zi musataqil yura oladi, hamda bir kunda bir necha bor hovlisini piyoda aylanadi.
Bu Onaxon hozirda mamlakatimizdagi eng yoshi katta inson hisoblanadi. Hadiyaxon aya bugungacha bir necha bor davlat mukofotlari bilan taqdirlangan.
Hozirda bu onaxonning besh farzandi 10 dan oshiq nabirasi hamda 20 ga yaqin chevarasi bor.Bugungi kunda Hadiyaxon aya Xoshimova Namangan viloyati Mingbuloq tumani Bo'ston qishlog'idagi Guliston maxallasida istiqomat qiladi.