Главная » 2016 » Sentyabr » 30 » Nazarboyev: “Yaxshi xayot uchun universitetda o‘qish shart emas”

---

13:31 Nazarboyev: “Yaxshi xayot uchun universitetda o‘qish shart emas”

Qozog‘iston Prezidenti Pavlodarskga rasmiy tashrif buyurgan edi. 29 sentyabr kuni u hududdagi jamoatchilik bilan ko‘rishdi.   "Yaxshi xayot uchun universitetni tugatish majburiy emas va bunday odamlar yerning qayeridadir ikki foizni tashkil etadi”, deydi davlat rahbari.   "Pavlodarnews.kz”ning xabar berishicha, Qozog‘iston prezidenti o‘zining birinchi kasbi – po‘lat quyuvchi mutaxassisligini texnika bilim yurtida olganini aytib o‘tdi.   "Inson tanlagan hunari ehtiyojlarini qondiribgina qolmay, odamni universitet diplomidan ko‘ra ko‘proq mashhurlikka yetaklashi, ko‘klarga ko‘tarishi ham mumkin. Yoshlar dastlab, iqtisodchi, yurist kabi mutaxassisliklarga o‘zlarini urishadi, oxir-oqibat, ularning mutaxassisligiga talab qolmaydi. Shuning uchun inson o‘z hunariga hurmat bilan qarashi kerak. Menga rahbarlarning atrofdagi ishchilariga baqirib muomala qilishi yoqmaydi. Bunday qilish mumkin emas”, deydi Nursulton Nazarboyev.   So‘zlarining isboti sifatida prezident o‘z ishidan mamnun bo‘lgani uchun baxtini topgan maxarodja haqidagi sharqona donishmandlik namunasidan misol keltirdi.   "O‘zidan kichik lavozimdagi xodimga hurmat bilan muomalada bo‘lmoq kerak. Bu bilan insonning qalbi baholanadi”, deb ta'kidladi prezident.   Eslatib o‘tamiz, Nursulton Nazarboyev Pavlodarskga tashrifi chog‘ida O‘rta osiyoda yagona bo‘lgan eng uzun ko‘prikni qurish ishlari qanday ketayotgani bilan tanishib chiqdi hamda Pavlodarsk davlat universitetiga tashrif buyurdi. Universitetda prezidentga kapalak bo‘yinbog‘ sovg‘a qilishdi.

1 2 3 4 5 Категория: Har-Hil | Просмотров:1369 | Добавил: Admin | Теги: Назарбоев: “Яхши хаёт учун универси | Рейтинг: 0.0/0

Всего комментариев: 0