Главная » 2023 » May » 13 » Navoiyda lo‘li qizlar yigitning qo‘lini tishlab, pulini olib qochdi

---

09:27 Navoiyda lo‘li qizlar yigitning qo‘lini tishlab, pulini olib qochdi

Navoiy shahrida 8-may kuni ikki nafar lo‘li qiz yo‘lovchi yigitning qo‘lini tishlab, pulini olib qochdi. Tergov departamenti holat yuzasidan ma’lumot berdi. Qayd etilishicha, ikki qiz istirohat bog‘ida yurgan 27 yoshli yigitning yoniga kelib, tilanchilik qilib pul so‘ragan. Yigit ming so‘m pul berayotganda qizlardan biri uning qo‘lini tishlagan. Ular yigitga hayot yoki sog‘liq uchun xavfli bo‘lmagan zo‘rlik ishlatib, shimining cho‘ntagida bo‘lgan 300 ming so‘m pulni va 200 ming so‘mlik kumush zanjirni tortib olib, hodisa joyidan qochib yashiringan. Olib borilgan tergov-tezkor harakatlar natijasida mazkur jinoyatni 16 yoshli voyaga yetmagan K.S. va 13 yoshli B.G. bir guruh bo‘lib sodir etgani aniqlanib, ulardan jabrlanuvchiga tegishli bo‘lgan 300 ming so‘m pul va kumush zanjir ashyoviy dalil tariqasida rasmiylashtirib olingan. Mazkur holat yuzasidan voyaga yetmagan K.S. va B.G.ga nisbatan Jinoyat kodeksining 166-moddasi 2-qismi "a,v” bandlari (tovlamachilik) bilan jinoyat ishi qo‘zg‘atilgan. Hozirda tergov harakatlari olib borilmoqda.

1 2 3 4 5 Категория: Har-Hil | Просмотров:107 | Добавил: moderator | Теги: yangilik | Рейтинг: 0.0/0

Всего комментариев: 0