Главная » 2015 » Oktyabr » 4 » Misr Rossiyaning Suriyadagi harbiy operatsiyasini ma’qulladi

---

22:26 Misr Rossiyaning Suriyadagi harbiy operatsiyasini ma’qulladi

Rossiya tomonidan Suriyadagi "Iroq va Shom islom davlati” terrorchilik guruhi obyektlariga qarshi havo operatsiyasining o‘tkazilayotgani terrorchilikning tugatilishiga yordam beradi. Bu haqda, "Korrespondent.net” xabariga ko‘ra, Misr tashqi ishlar vaziri Samix Shukriy ma’lum qildi.Uning so‘zlariga ko‘ra, Qohira Moskva bilan bevosita muloqotlar yordamida olayotgan axborotlar "Rossiya terrorchilikka qarshi kurashga va uning Suriyadagi keng tarqalishini cheklashga qaratayotgan e’tibor dalilidir”. "Salohiyati va imkoniyatlaridan kelib chiqib aytganda, Rossiyaning ushbu kurashga qo‘shilishi, bizning nazdimizda, Suriyada terrorchilikning cheklanishi va tugatilishiga ta’sir qiladi”, — dedi Shukriy. Misr tashqi ishlar vazirining mazkur bayonoti Rossiyaning Suriyadagi so‘nggi harakatlariga nisbatan Qohiraning ilk rasmiy munosabati bo‘ldi. Eslatib o‘tamiz, Rossiya 30-sentabrdan buyon, mamlakat Mudofaa vazirligi ma’lumotlariga ko‘ra, Suriyadagi IShID marralariga aviazarbalar bermoqda.

1 2 3 4 5 Категория: Har-Hil | Просмотров:1653 | Добавил: Admin | Рейтинг: 0.0/0

Всего комментариев: 0