Главная » 2022 » Oktyabr » 28 » Meta aksiyalari qulagandan keyin Sukerbergning boyligi 11 milliard dollarga kamaydi

---

20:59 Meta aksiyalari qulagandan keyin Sukerbergning boyligi 11 milliard dollarga kamaydi

Meta korporatsiyasi rahbari Mark Sukerbergning boyligi kompaniya aksiyalari qulashi ortidan 11 milliard dollarga kamaydi. Bu haqda Forbes xabar berdi. Unga ko‘ra, hozirda Sukerbergning boyligi 36 milliard dollarni tashkil etadi. Tadbirkor dunyoning eng boy odamlari reytingida 25-o‘rindan 29-o‘ringa tushib ketgan. Bu yil Sukerberg uchun "eng yaxshisi bo‘lmadi”, chunki pandemiya davrida Meta aksiyalari keskin ko‘tarilib, 2021-yil sentabrida eng yuqori cho‘qqiga chiqqan. Natijada Sukerbergning boyligi 136,4 milliard dollarga ko‘paygan. O‘shandan beri aksiyalar 74 foizga arzonlashgan, Facebook asoschisi esa taxminan 100 milliard dollar yo‘qotgan. Avvalroq Meta 2022-yilning uchinchi choragidagi zaif natijalar tufayli bozor kapitallashuvining 19 foizini yo‘qotgani haqida xabar berilgandi. Uchinchi chorakda sof foydaning yillik hisobda 52 foizga, ya’ni 4,4 milliard dollargacha kamayishi investorlarning kompaniya kapitalidagi ishtirokidan "ommaviy chiqib ketish”iga olib keldi. Meta kompaniyasining investitsion jozibadorligining pasayishining asosiy sabablari sifatida raqamli reklama segmentidan tushadigan daromadning qisqarishini, shuningdek, bozor ishtirokchilarining metaverse va sun’iy intellekt texnologiyalarini rivojlantirishga nisbatan shubhasi keltirilgan.

1 2 3 4 5 Категория: Har-Hil | Просмотров:274 | Добавил: moderator | Теги: yangilik | Рейтинг: 0.0/0

Всего комментариев: 0