Главная » 2023 » Yanvar » 23 » Mehriddin Xayriddinov bosh vazir maslahatchisi lavozimidan ozod qilindi

---

20:26 Mehriddin Xayriddinov bosh vazir maslahatchisi lavozimidan ozod qilindi

Mehriddin Xayriddinov bosh vazir maslahatchisi — Xorijda vaqtinchalik mehnat faoliyatini amalga oshirayotgan O‘zbekiston fuqarolari huquqlarini himoya qilish va qo‘llab-quvvatlash masalalari departamenti mudiri lavozimidan ozod etildi. U 2020-yil 17-avgust kuni ushbu lavozimga tayinlangandi. Mazkur lavozimga tayinlanguniga qadar Mehriddin Xayriddinov O‘zbekistonning Moskvadagi elchixonasida bosh konsul lavozimida ishlab kelgan. Bosh vazir maslahatchisi lavozimini 2019-yil avgust oyidan buyon Komil Rashidov egallab kelayotgandi. Mehriddin Xayriddinov 1977-yilda Buxoro viloyatida tug‘ilgan. U 1999-yilda Jahon iqtisodiyoti va diplomatiyasi universitetini tamomlagan. G‘ijduvon tumanidagi 46-maktabda 2000—2001-yillarda o‘qituvchi bo‘lib ishlagan. 2001—2008-yillarda Mehriddin Xayriddinov Navoiy kon-metallurgiya kombinatida 1, 2, 3-toifa muhandisi, tashqi iqtisodiy aloqalar bo‘limi boshlig‘i o‘rinbosari lavozimlarida mehnat qilgan. Mehriddin Xayriddinov Tashqi iqtisodiy aloqalar, investitsiyalar va savdo vazirligida 2008—2010-yillarda yetakchi mutaxassis, 2010—2014-yillarda O‘zbekistonning Qirg‘izistondagi elchixonasining 1-kotibi, 2014—2017-yillarda O‘zbekiston Tashqi ishlar vazirligining Konsullik boshqarmasi boshlig‘i lavozimlarida ishlagan, so‘ngra 2017—2018-yillarda O‘zbekistonning Sankt-Peterburg shahridagi bosh konsuli bo‘lgan.

1 2 3 4 5 Категория: Har-Hil | Просмотров:76 | Добавил: moderator | Теги: yangilik | Рейтинг: 0.0/0

Всего комментариев: 0