Главная » 2018 » Iyun » 21 » MDH davlatlari aholisining qashshoqlik darajasi e'lon qilindi

---

17:41 MDH davlatlari aholisining qashshoqlik darajasi e'lon qilindi

Mustaqil davlatlar hamdo‘stligi Davlatlararo statistika qo‘mitasi "MDH mintaqasidagi Barqaror rivojlanish maqsadlari monitoring ko‘rsatkichlari”ni e'lon qildi.   Unda MDH davlatlari orasida qaysi mamlakatda qancha aholi qashshoqlik chegarasida yashashi ko‘rsatilgan.   Berilgan ma'lumotlarga ko‘ra, Tojikiston aholisi eng qashshoq mamlakat sifatida qayd etilgan. 2016 yilda mamlakatning 30,3 foiz aholisi milliy qashshoqlik chegarasida kun kechirgan. Bu 2015 yilga nisbatan 1,3 foiz kam degani.   Armanistonda 2016 yilda 29,4 foiz aholi milliy qashshoqlik darajasida bo‘lgan. Qirg‘izistonda bu ko‘rsatkich 25,4 foizga teng bo‘lgan.   Ta'kidlash joizki, Qirg‘iziston 2015 yilda Tojikistondan ham quyida bo‘lgan. Ammo bir yil davomida mamlakat qashshoqlikka qarshi samarali kurashgani o‘z natijasini bergan. Qirg‘izistonda qashshoqlar 6,7 foizga kamaygan.   Qashshoqlikning nisbatan past darajasi Qozog‘iston (2,6 foiz), Ukraina (3,8 foiz), Belarus (5,7 foiz) va Ozarbayjonda (5,9 foiz) qayd etilgan.   Rossiyada 2016 yilda qashshoqlar aholining 13,3 foizini tashkil etgan.   Ahamiyatlisi shundaki, Moldova, Turkmaniston va O‘zbekiston haqidagi ma'lumotlar berilmagan.

1 2 3 4 5 Категория: Har-Hil | Просмотров:1170 | Добавил: Moderator | Рейтинг: 0.0/0

Всего комментариев: 0